Rematch nina Pacquiao at Mayweather, pera-pera na lang daw

SEEN: “Pera-pera lang” ang reaksyon ng lahat sa announcement ni Floyd Mayweather, Jr. na lalabanan niya uli sa boxing si Senator Manny Pacquiao. Nag-retire na si Mayweather, Jr. sa boxing pero babalikan niya sa December 2018 ang sport na tinalikuran para sa rematch fight nila ng Pambansang Kamao.

SCENE: Nagbabasa ng lahat ng mga diyaryo ang aspiring beauty queen na si Monique Tuzon dahil may clippings siya ng mga naglabas ng balita tungkol sa pagsali niya sa Miss World Philippines 2018.

SEEN: Top winner sa 3rd ToFarm Film Festival Awards ang Tanabata’s Wife dahil ito ang nanalo ng best picture, best director, best actor, best actress, best cinematography, best screenplay, best musical score, best editing at best production design awards. Ang Shangri-La Makati Hotel ang venue ng awards night ng 3rdToFarm Film Festival noong Sabado.

SCENE: Ang Sol Searching ang tumanggap ng People’s Choice Award ng 3rd ToFarm Film Festival. Mga bida ng Sol Searching ang mga comedian na sina Pokwang at Joey Marquez.

SCENE: Positive ang mga feedback sa article ng Philippine Star tungkol sa ideal relationship ni Ces Drilon at ng kanyang bisexual at cross-dresser son na si Andre. Pinupuri ang pagiging understanding and loving mother ni Ces.

SEEN: Ang Ex Battalion ang kumanta ng SingSing, ang theme song ng Abay Babes, ang sexy comedy movie ng Viva Films na may playdate sa September 19 at may red carpet premiere ngayong gabi sa SM Megamall Cinema 7. Mga artista ng Abay Babes sina Cristine Reyes, Kylie Verzosa, Meg Imperial, Nathalie Hart at Roxanne Barcelo.

SCENE: Ngayon ang first shooting day ng Sons of Nanay Sabel, ang launching movie ng Ex Battalion. Si AiAi Delas Alas ang gumaganap na Sabel at ang mga miyembro ng Ex Battalion ang mga anak niya sa pelikula ng Viva Films.