Sexy dance

CEBU, Philippines – Nakasiyagit gyud sa kakilig ang fans nila ni James Reid ug Nadine Lustre sa dihang nipahigayon sila og sexy dance.  Nag-viral karon ang video niini nga nahitabo sa usa ka birthday celebration sa ilang higala.

Designer sab diay

Gipakita na ni Paolo Ballesteros ang iyang gitagoan nga talento sa pagmugna og gown. Gani, ang iyang gimugna mao ang gisul-ob sa kandidata nga si Agatha Lei Romero sa Mutya ng Pilipinas 2018 sa terno competition. Suma pa ni Paolo nga nakadisenyo na siya og mga gown kaniadto sa mga Pinay nga misalmot og mga prestihiyoso nga mga pageant apan nagpakahilom lang siya.

Jessie mibilib sa TNT Boys

Nibilib gyud ang international singer nga si Jessie J sa version sa TNT Boys nga Bang Bang nga mao mismo ang gi-perform sa tulo atol sa Your Face Sounds Familiar Grand Finals. "I think the TNT Boys from (the) Philippines were incredible. I'm obsessed with them. They're so sweet and so talented, their 'Bang Bang', they did better than us”, suma pa ni Jessie.

Magdugay pa

Gitataw ni Coco Martin nga wala pa gyud sila mahibalo kun kanus-a matapos ang programa nga FPJ’s Ang Probinsyano nga nagpabilin gihapon nga numero uno sa primetime.  Tulo ka tuig na nga nagdagan ang programa nga patok gihapon sa televiewers. “Kasi sabi ko ‘hangga’t may kuwento, hangga’t gusto ng mga Pilipino, an dyan padin po ang Ang Probinsyano”, suma pa ni Coco.

Laag na pud

Nipatim-aw na sab pagbalik sa publiko ang celebrity couple nga sila si John Lloyd Cruz ug Ellen Adarna. Magkauban ang duha nga mitambong og party. Nasayran nga nanganak  si Ellen   niadtong  Hunyo.

Kolaborasyon

Mibalik na sa pag-produce og pelikula ang Imus Productions nga gipanag-iya sa Revilla clan. Ingon nga posible nga adunay mahitabong kolaborasyon tali nilang duha ni Jolo Revilla ug Coco Martin alang sa usa ka action film. Matud pa ni Jolo nga sabutan pa sab nila ni Coco kun dayunon ba nila kini tungod kay aduna nay titulo ang mugnaon nga pelikula nga nag-ulohan og  ‘Sa ‘Yo Ang Cavite, Akin Ang Tondo’.

Direk John

Nadungagan na gyud karon  ang trabaho sa aktor nga si John Prats gumikan kay siya ang mohatag og direksyon sa sa umaabot nga15th Anniversary concert ni Erik Santos nga mahitabo karong Septiyembre 22 sa MOA Arena. Dakong pasalamat ni John ngadto kang Erik gumikan kay kini mismo ang una nga mibilib sa iyang kapabilidad. Tungod niini, siya na ang modirekta sa concert ni K Brosas, Richard Poon ug sa international boyband nga Boys II Men kauban ang Divas.

Audition sa sakyanan

Gibutyag ni   Boy Abunda nga sa  iyahang sakyanan nahitabo ang labing una nga audition ni Erik Santos kinsa mao ang iyang talent sulod sa 15 ka tuig. Matud pa ni Boy nga bilib gyud siya sa batasan ug baruganan sa singer. “Sobra ang pagalang mo sa craft mo. Pangalawa, marunong ka lumaban”, suma pa ni Boy.

Todo depensa

Gitubag karon sa taga-suporta ni Andrea Torres ang nag-trending nga hulagway sa aktres kun diin nakita ang garter sa iyang maskara nga usa sa costume sa aktres. Matud pa sa netizen nga  mi-upload niini nga usa kini  ka “Low Budget fanstaserye”.  Gani, ang maong isyu gitubag sa supporter ni Andrea nga nagtangag sa username nga @AndreawarriorsM. "Hello po. FYI lang po ha. Kaya garter yang maskara ni Sif (Andrea Torres) kasi nga napulot lang po niya yan sa isang Cosplay event. Dahil nalaglag lang din ng isang cosplayer. Ginamit niya yan dahil sakto my mga kalaban at need niya mag mask para d makilala”, esplikar pa ni @AndreawarriorsM.