Nagpanikad na

CEBU, Philippines —  Gipangulbaan na si Asia’s Nightingale nga si Lani Misalucha nga makauban niya ang Asia’s Phoenix nga si Morisette Amon sa “A Lani Morissette: Musical Journey” nga mahitabo karong September 22 ug 23 sa The Theatre at Solaire. “Seeing her show, her performances, parang siya yung baterya na hindi nauubos. Parang hindi siya nauubusan ng energy, ng power. I don’t know if I’m going to use the word insecure, but meron din ibang mga singer na somehow medyo natatakot sa kanya kasi nga that’s how good she is”, suma pa ni Lani.

Nagmalig-on gihapon

Pabilin nga nagmalig-on ang Kapamilya star nga si Marlo Mortel human nga mipanaw ang iyang inahan. Gani, padayon  gihapon sa trabaho ang aktor ug wala gyud niya sipyata nga  motunga sa premiere night sa pelikula nga “Petmalu” didto sa Megamall cinema.  Makatabang matud pa ang iyang ka-busy aron  anam-anam mawala ang gibati niya nga kasakit. “I’m happy dahil madaming blessings ang dumarating, but quite sad kasi hindi ko mashi-share na sa mom ko ‘yung success na nararating ko ngayon. But I know that she’s happy for me, she’s watching over me. Siguro okay na rin sa akin ‘yun”, suma pa ni Marlo.

Perfect Timing

Perfect timing alang sa Kapamilya star nga si Ritz Azul ang iyang bidahan nga  romantic-comedy movie nga “The Hopeful Romantic” kun diin makauban niya ang komedyante nga si Pepe Herrera. Matud pa ni Ritz nga nakapangandam gyud siya og husto alang sa maong pelikula bisan og dugay kini nga miabot ngadto kaniya.

Classmate sa kolehiyo

Giangkon ni Robi Domingo nga batchmate niya sa kolehiyo sa Ateneo De Manila University ang iyang non-showbiz girlfriend. Matud pa sa TV host nga dugay na sila nga kaila niini. Gani, wala niya damha og planuha nga maabot sa ingon niini ang ilang estado sa ilang pagtan-aw sa usa’g usa.

Sapatos ni Kathryn

Nagkantidad matud pa og P63,873 ang sapatos nga gigamit ni Kathryn Bernardo sa premiere night sa gibidahan nga pelikula nga The Hows Of Us. Suma pa sa post sa ABS-CBN Entertainment journalist nga si MJ, ang  Christian Louboutin Follies Strass ang heels nga gigamit sa aktres.

 Andam na ba?

Gipangutana ni Xia Vigor ang Magandang Buhay host nga si Karla Estrada kun andam na ba siya nga mahimong  lola.”I’m always ready. Naging ready nga ako maging ina at the age of 20 kasi gusto ko ‘yon, so ibabalik mo ang tanong sa anak mo, ready ka na bang magkapamilya? Dahil responsibility yon”, tubag pa ni Karla.

Wala  pa’y klaro

Wala pa gyuy kasiguraduhan kun madayon ba gyud ang reunion film nila ni Jolina Magdangal ug Marvin Agustin. Matud pa ni Jolina nga aduna nay script sa ilang pelikula apan wala siya’y ideya kung nganong nagkahanap kini. Andam sab si Jolina nga i-revise ang script aron nga madayon gyud ang pelikula nilang duha sa iyang kanhi onscreen partner.

Makita pa si Charice

Duna pa’y mga eksena si  Jake Zyrus isip si Charice Pempengco sa Japanese movie nga “She’s A Killer. Matud pa ni Jake nga nakuha ang maong eksena niadtong Pebrero niining tuiga una pa siya nahimong usa ka transman. Maingon nga mao kini ang katapusang proyekto ni Jake isip si Charice. “Ako din po ang kumanta ng theme song… yung boses ko din dun Charice pa”, suma pa ni Jake.

Ultimate Asian Sweetheart

Nahimong Ultimate Asian Sweetheart of 2018 ang Phenomenal star nga si Maine Mendoza. Naangkon ni Maine ang 757,430 votes gikan sa iyang mga fans sa Asia. Naunhan ni Maine ang mga sikat nga mga celebrity sa nagkadaiyang dapit nga sila si Urassaya Sperbund (Thailand), Sanaya Irani (India), Jennie Kim (South Korea) ug ang bida sa Meteor Garden nga si Shen Yue (China).