Si Sarah maoy gusto
CEBU, Philippines — Si Pop Star Princess Sarah Geronimo kinsa bida karon sa pelikula nga “Miss Granny” maoy gusto sa banggiitang composer nga si Ernie Dela Pena, nga mahatagan og bag-ong kinabuhi sa iyang namugna nga awit nga naglakip sa “May Bukas Pa,” “Kapalaran”, ‘Ang Pag-ibig Kong Ito”, “Magsayawan” ug daghan pa. Suma pa ni Dela Pena, haom ang tingog ni Sarah alang sa “Ang Pag-ibig Kong Ito” ug “May Bukas Pa”.
P97 million na
Nakabawi na sa gasto sa paghimo sa Buybust movie starring Anne Curtis ang Reality Films. Kini human gipahibawo niining bag-o lang nga nihipos og P97 million ang maong pelikula worldwide. Kahinumduman nga gibutyag ni Direk Erik Matti nga nikabat ngadto sa P86.61 million ang nagasto alang sa maong pelikula.
Beauty may teleserye dayon
Adunay giluto nga teleserye karon ang ABS-CBN nga pagabidahan nila ni Beauty Gonzales, Dimples Romana, Adrian Alandy, Susan Africa, Ronnie Lazaro ug Albert Martinez. Mao na ang unang teleserye ni Beauty human siya nipirma og exclusive contract sa ABS-CBN, human usab siya nilugwa sa usa ka show sa GMA7.
Shooting na
Gisugdan na ang shooting alang sa pelikula nga “One Great Love” nga gibituonan nila ni Dennis Trillo ug Kim Chiu ubos sa direksyon ni Eric Quezon. Didto sa Tagaytay gipahigayon ang shooting. Giingong mao na ang labing unang pelikula ni Kim sa Regal Films human sa 10 ka tuig.
Mawad-a’g trabaho
Nipadayag og kabalaka si Angelica Panganiban kagahapon nga mawad-an og trabaho gumikan sa labihan ka guot sa trapiko kagahapon.Sa iyang instagram stories, nagkanayon si Angelica : “Suko na ako Pinas.Sorry.” Dugang pa niya, “Kay laking parking lot ng Commonwealth. Free parking daw. Pero mawawalan ka ng trabaho in a while kasi hindi ka makakarating. Unless walkathon. Paano?”
- Latest
