Sa wala pa magsugod ang concert: Morissette nawad-an og tingog

CEBU, Philippines – Nangayo og pasaylo si Asia’s Phoenix Morissette Amon sa iyang audience human nga na-delay ang iyang concert sa Dubai nga “Morissette is Made” sa miaging semana.

Giangkon ni Morissette nga kalit lang gyud nga nawad-an siya og tingog pipila lang ka minutos una pa nagsugod ang iyang concert.

“Nag-panic po kami kasi, wala, hindi kami prepared. Kasi, hours before, I was totally fine. Pero we felt like... Me and my family and my management, we felt, like, naniningil na po yung katawan ko sa kaka-travel ko”, padayag pa ni Morissette sa usa ka presscon didto sa kaulohan.

Pipila pa ka semana una ang maong concert, na-busy gyud ang singer sa iyang pagbiyahe sa  Canada ug Australia tungod sa sagunson niya nga mga international show.

Dugang pa niya nga wala siya makabati og stress tungod kay na-enjoy niya ang mga biyahe ug show apan wala lang gyud nila damha nga kalit lang maningil ang iyang lawas nga maatol gyud sa gabii sa iyang concert.

“I also had to take medication, so we had to delay the show. It took about 30 minutes before the medication worked on my voice. Kung hindi po ako nag-take, wala po talaga akong boses. I feel, like, walang show na mangyayari. I really had to take it kasi it was so bad, out of nowhere,” dugang pa  sa Sugbuanon nga singer.

Mapasalamaton si Morissette sa tanan nga misuporta kaniya ug misabot sa maong sitwasyon nga iyang nasinati.

“I really have to work around the situation. I was grateful that I was surrounded with so much love and prayers from everybody”, panapos pa ni Morissette.