Sharon may ibinuko sa tunay na ugali ni Kathryn!

Malapit nang simulan ang shooting ng pelikulang pagsasamahan nina Sharon Cuneta, Richard Gomez at Kathryn Bernardo na Three Words To Forever.

Excited na ang Megastar na muling makatambal ang aktor at makatrabaho sa kauna-unahang pagkakataon si Kathryn. “Of course with Richard no question anytime but when they mentioned Kathryn, right away I said, ‘Of course I’d love to work with her,” nakangiting bungad ni Sharon.

Parehong maagang nagsimula sa pag-aartista sina Kathryn at Sharon pero hindi raw nakikita ng Megastar na may pagkakapareho sila ng dalaga. “I can’t see myself so much even in my own children. I always see them as individuals who are special in their own right. And I think Kathryn has her own very special place in showbiz because she has her own wonderful talents and she’s very pretty. I’m excited and to me, what’s most important is the people in Star Cinema have said to me, people that I spoke with different times. That’s she’s such a good worker and she’s very mabait. That’s very important to me because at this stage in my life I wouldn’t want to waste time working with someone who’ll give me nothing but headaches. So I’m very glad that she deserves her success,” makahulugang pahayag ni Sharon.

Myrtle pumiyok sa pagpaparetoke ng boobs

Sa September 12 ay ipalalabas na sa mga sinehan ang pelikulang Wander Bra na pinagbibidahan ni Myrtle Sarrosa. Nagpapasalamat ang dalaga dahil hindi na raw niya kinailangang magparetoke ng dibdib bago gawin ang nasabing proyekto. “Wala po, gano’n pa rin po siya. Kasi parang hindi naman ako ‘yung star na boobs talaga ‘yung pinapakita. So for this one, I’m really grateful na with the effects na ginawa nilang bra for me,” pahayag ni Myrtle.

Ngayon lamang nakapagbida ang dalaga sa isang pelikula at matagal na raw niya itong pinapangarap. “Kasi sinabi ko talaga, ‘pag superhero, go ako. Saka gusto ko talaga ang mga fantasy kahit dati pa and dream ko talaga maging superhero. Ang character ni Wander Bra hindi niya alam na gano’n siya kaganda. So parang first time lang niya maramdaman na maganda siya. ‘Yung character niya parang naive siya pero very sexy, sobrang sexy,” pagbabahagi ni Myrtle.

Kasama rin sa nasabing pelikula sina Kakai Bautista, Ahron Villena, Zeus Collins at Gina Pareño.