Solid fan

CEBU, Philippines — Nag viral sa social media ang usa ka video diin nagpakita ang pagka-fan sa  Popstar Royalty Sarah Geronimo ngadto sa idolo niining singer nga si Regine Velasquez. Ang maong video kuha atol sa rehearsal sa duha sa awit nga "Sana Maulit Muli" nga gikanta nila atol sa 30th anniversary concert ni Regine. Sa pagka karon, niabot na og 629,000 views ang maong video.

Nabag-ohan sa kasikat

Giangkon sa bag-ong Meteor Garden stars Shen Yue, Dylan Wang, Darren Chen, Connor Leung, ug Caesar Wu nga nabag-ohan sila sa ilang kasikat . Nasayran nga init ang paghangop sa publiko  ngadto sa ilang serye.. Daghan matod pa ang magpa-picture nila sa mga mall ug nagkadaghan ang  ilang follwers sa social media. Makita ang Meteor Garden sa ABS-CBN sugod karong Agosto 20.

Gitubag ang basher

Gitubag ni Miss Universive-Philippines 2018 Catriona Gray ang usa ka netizen kinsa giingnan siya nga "boring" ug "monotonous" moistorya. “And whatever words I use: uplifting, empowering, making a difference—all familiar to the ear, but hugely relevant none the less,"tipik sa tubag sa beauty queen.

Gisugdan na

Niarangkada na ang shooting sa pelikulang gidirek sa TV and film comedian nga si John "Sweet" Lapus nga nag=ulohan og  Pang MMK. Mao kini ang first directorial movie project ni Sweet diin usa kini sa mga entry  sa Cinema One Originals 2018. Gibidahan kini nilang Cherry Pie Picache, Joel Torre, Nikki Valdez ug Neil Coleta.

Excited na

Nagpanikad na si It's Showtime host Anne Curtis sa gikatakdang honeymoon nila sa banang si Erwan Heussaff karong Nobiyembre. Kahinumduman nga human gikasal ang duha ,  wala pa sila naka-honeymoon tungod sa ilang ka-busy. "We're very excited so it's going to be a long break. Kasi, one year bago mag-honeymoon and pinagbigyan niya ko run,"sigon pa sa aktres

Na-stranded sa baha

Nabalaka  ang fans ug mga  higala sa Kapamilya star Alexa Ilacad human kini nagpost nga na-stranded siya sa baha sa Marikina nunot sa kusog nga pagbunok sa uwan sa maong dapit. Pila ka oras ang nilabay , nag post kini nga nilabang  siya  sa baha ug karon nahimotang na  siya sa luwas nga lugar. Nagpasalamat usab siya ngadto sa tanang nitabang og ampo sa iyang kaluwasan.

Gusto og pribado

Giasoy sa Kapamilya hunk actor JC De Vera nga gusto niya himoong pribado ang relasyon nila sa inahan sa iyang anak nga si baby Lana Athena. “Gusto ko siyang maiwan na private until that day na kailangan na namin i-announce ang mga bagay tungkol sa amin,” sigon pa sa aktor.

USa na ka tuig

Nagsaulog dili pa lang dugay sa ilang first anniversary isip managhigugmaay silang Wil Dasovich ug Alodia Gosiengfiao. Nag-post og susamang hulagway sa Instagram ang duha ug nagbinayloay og sweet messages sa usag-usa."It's been one crazy year but we made it through being in the worst dressed list! Jk!Thank you for the surprise and remembering this day. Happy 1 year, beb! I love you," post pa ni Alodia.

ViceJack sa MMFF

Gikumpirmar mismo sa komedyanteng si Vice Ganda nga adunay partisipasyon si 'Ate Girl' Jackque Gonzaga sa iyang upcoming Metro Manila Film Festival 2018 movie nga Fantastica. Gipahibalo niya kini pinaagi sa iyang tweet diin gipahibalo niya nga kasamtangan sila nga nag-shoot og eksena kauban si Jackie. Tungod niini daghan ang na-excite nga mfans sa "ViceJack" love team, diin unang naporma sa programang It's Showtime!

Confident ra

Kumpiyansado ang hunk actor nga si David Licauco nga dili gyud siya malambigit og sex video scandal sa social media sanglit dili man niya kini binuhatan. Unang nailhan si David sa social media ug dinhi siya unang nisikat. “Wala. Hindi ako ganun. I’m not the type,” suma pa ni David.

Malipayon alang kang Erik

Gipahibalo sa singer nga si Pops Fernandez nga una silang nagkaila ni Erik Santos sa dihang bag-o pa lang kini nakadaog sa Star In A Million ug giimbitar niya kini sa usa ka US tour concert. Malipayon siya nga hangtod karon nindot ilang relasyon isip managhigala. Malipayon usab si Pops sa padayon nga pagsidlak sa career ni Erik .