ABS-CBN, best TV Station sa Animo Media Choice Awards

MANILA, Philippines — Hinirang na Best TV Station ang ABS-CBN sa kauna-unahang Animo Media Choice Awards na ginanap sa De La Salle University (DLSU) Dasmariñas sa Cavite noong Sabado (Hunyo 21).

Nag-uwi rin ang Kapamilya network ng tatlo pang tropeo kabilang ang Best News Program on TV para sa TV Patrol. Sa radyo naman, pinangalanang Best AM Radio Program ang Failon Ngayon sa DZMM.

Samantala, panalo rin ang beteranong broadkaster na si Karen Davila bilang Best Female News Anchor on AM Radio.

Higit 2,000 na gradweyt ng De La Salle University-Dasmariñas ang bumoto sa Animo Media Choice Awards, na kumikilala sa mga media network, programa, at personalidad na nagpapamalas ng “Animo” spirit ng mga taga-La Salle sa kanilang pagpupursige at paglilingkod.  

Naka-13 na Best TV Station na parangal na ang ABS-CBN ngayong 2018.

Libro ng mga paboritong artista, mabibili na sa Shopee

Higit na sa 12 milyon na Shopee users ang puwedeng makakuha ng exciting books mula sa mga paborito nilang celebrities tulad nina Alex Gonzaga, Charo Santos, Maricar Reyes and Richard Poon, Ramon Bautista at marami pang iba dahil sa pakikipagtulungan ng ABS-CBN Publishing Inc. (API) sa Shopee para sa Lifestyle Week nito na gaganapin sa July 23 hanggang 29.

Matatagpuan sa API ang maraming good reads with exclusive 20% discount on book bundles tulad ng Besties by Solenn Heussaff at Georgina Wilson at Behind the Blog by Kryz Uy under the Bloggers Bundle category.

Parte ng For her Bundle features ang The Sexy Chef’s 21 Days To A Sexier You by sisters Rachel and Chef Barni Alejandro maging ang The Big Fat by Stacy and Danah Gutierrez.

Mayroon ding tinatawag na Momshies Bundle kung saan mababasa ang mga advice tungkol sa celebrity moms sa pagpapalaki ng kanilang mga anak.