Matapos na mahalal bilang Speaker si GMA, Sen. Grace minulto ni FPJ!

Andrea kamukha ni Elsa

SEEN: Naglagare kahapon si Senator Manny Pacquiao sa It’s Showtime ng ABS-CBN at Eat Bulaga ng GMA 7 dahil pinasalamatan niya nang personal ang lahat ng sumuporta sa kanya sa Fight of Champions, ang laban nila ng Argentine boxer na si Lucas Matthysse. Si Pacquiao ang promoter ng Fight of Champions na magkasabay na ipinalabas sa Kapamilya at Kapuso Networks noong July 15.

SCENE: Inspired ni Elsa ng Frozen ang look ni Andrea Torres sa karakter niya sa Victor Magtanggol, ang telefantasya ng GMA 7 na magsisimula sa Lunes, July 30.

SEEN: Ang Victor Magtanggol ang pinakamalaki at pinakamagastos na television project ng GMA 7 para sa 2018 kaya nagpapasalamat si Alden Richards sa oportunidad at tiwala na ibinigay sa kanya ng mother studio niya.

SCENE: Ang revelation ni Senator Grace Poe na nagparamdam sa kanya ang ama niya, ang pumanaw na King of Philippine Movies na si Fernando Poe, Jr. nang mahalal si ex-President Gloria Arroyo na Speaker of the House sa kontro­bersyal na opening session noong Lunes ng 17th Congress.

SEEN: Si Fernando Poe, Jr. ang pinaniniwalaan na tunay na nanalo sa presidential election noong 2004 pero diumano, dinaya siya ng kanyang kalaban na si Gloria Macapagal-Arroyo.

SCENE: Ang kuwento ni Senate President Tito Sotto na muntik nang mag-walk out si President Rodrigo Duterte sa SONA noong Lunes dahil sa kaguluhan na nangyari. Naantala ng isang oras ang SONA ni Duterte dahil sa naganap na agawan ng kapangyarihan sa Lower House.