Baliw-Baliw Queen
BisChika nga Domingo kanatong tanan! Back to school na gayud ug siguradong medyo na-stress na ang mga estudyante labi na atong mga momshie...hahahaha! Pero karung Domingoha stress no more kay kining atong BisChika maglingaw lingaw ta!
Speaking of lingaw, niaging semana nitikang ang inyong Mother Butanding sa Barangay San Vicente, Isla sa Olango Island para mamahimong usa sa mga hurado sa ilang labing unang Search for Baliw Baliw Festival Queen 2018 nga didto gipahigayun sa SV Covered court! Hugyaw ang mga exposure sa unom ka candidates gikan sa Production Number, Solo Performance ug sa ilang Garbo Outfit.
Matag barangay todo suporta kaayo sa ilang mga Festival Queen mao nga with confident gyud sila morampa on stage.
Ang nigawas nga mananaug : 2nd Runner Up - Ashley Kate Taneo; 1st Runner Up - Chesca Faith Oyao; ug Baliw Baliw Festival Queen - Jonnalyn Quiapo.
Sa lang bahin, unsa man kining Baliwbaliw Festival? Ang Baliw-baliw festival nagsimbolo sa kalibog sa mga matuuhon, kinsa mipili sa paghulagway sa ilang mga pakigbisog sa kinabuhi pinaagi sa mga ritwal nga nakat-unan gikan sa ilang paganong mga katigulangan. Ang mga tawo nagpakita sa mga butang nga kinahanglan natong hinumduman ug dili gusto nga mahitabo.
In honor kini sa ilang mahal nga patron Senyor San Vicente nga nagsaulog sa selebrasyon matag bulan sa Mayo, nga nahulog sa petsa nga adunay labing taas nga 12 ka oras nga tidal wave. Ang pista gisaulog pinaagi sa daghang mga henerasyon, nga nag-usab sa paglabay sa panahon gikan sa paganong mga ritwal, adunay fluvial prosesyon, street dancing ug ang labing unang ritual showdown!
Congratulations sa mga tawo nga nagpaluyo niini para mamahimo kining malampuson, to the SV Fiesta Committee, SV Barangay Council, Sagastrand Beach Resort, Restaurant, Mayor Paz Radaza ug sa tanang sponsors!
- Latest
