Ellen gikiha na
CEBU, Philippines – Nipasaka na og child abuse ug cybercrime case si Myra Abo Santos batok kang Ellen Adarna.
Si Myra maoy inahan ni Eleila Santos nga gitawag ni Ellen og paparazzi human matud pa gikuhaan sila og hulagway sa usa ka restaurant diin kauban niya niadtong higayona si John Lloyd Cruz.
Sa report sa ABS-CBN, gipasaka ang kaso sa Office of the Prosecutor sa Pasig City kagahapon sa buntag.
Kahinumdoman nga wala mahimuot ang inahan sa maong teenager nga si Myra Santos gumikan naguba ang reputasyon sa iyang anak sa gibuhat ni Ellen.
Una na nga nilenggua ang maong teenager nga dili niya intensyon nga kuhaan og hulagway sila si Ellen ug John Lloyd Cruz.
Gihatagan ni Myra og lima ka adlaw si Ellen aron mo-isyu og public apology apan kever lang ang aktres niini.
Cristine ug Ali nagbuwag na gyud?
Nabatyagan sa pipila ka followers ni Cristine Reyes nga mi-unfollow na ang aktres sa Instagram account sa iyang bana nga si Ali Khatibi. Sulod sa pipila ka adlaw, hilom na usab kaayo ang Instagram account ni Cristine ug wala na kini mo-post og mga hulagway ang aktres. Dili sama sa una nga mag-post gyud si Cristine og family pictures.
Wala pa gyud mohatag og tubag si Cristine kalabot sa tsismis nga matud pa buwag na sila ni Ali.
Una na nga nitumaw ang maong istorya human nilenggua kaniadto si Cristine nga iampo ang kaminyoon nila ni Ali.
Ang maguwang ni Cristine nga si Ara Mina nilenggua kaniadto nga normal lang gyud sa magtiayon nga dunay mga panahon nga mag-away.
- Latest