Marvin bilib kina Bianca, Kyline at Pauline
MANILA, Philippines — ‘Ngayon alam na namin bakit mo sila kinabibiliban.’ Ito ang isa sa mga pahayag ng follower ni Marvin Agustin sa litrato ng Kambal, Karibal lead stars na sina Kyline Alcantara at Bianca Umali na kanyang inupload kamakailan. Matapos kasi ang buwis-buhay na stunts ng dalawa sa GMA Primetime series kung saan kinunan ito sa kalagitnaan ng dagat, kitang-kita na sinang-ayunan na agad ng mga fans ang naging paghanga ni Marvin sa dalawa kasama na si Pauline Mendoza. Dagdag pa ng netizens, hindi raw talaga matatawaran ang professionalism ng mga ito. Aksyon, iyakan, tawanan o pagpapakilig man daw, gagawin nila ng buong puso kahit saan man ang maging location nila. Iba talaga ang husay ng mga Kapuso!
Abangan ang mas intense at punung-puno ng emosyon na mga tagpo sa Kambal, Karibal ngayong tila nawawala sila Crisel at Crisan matapos subukang iligtas si Geraldine (Carmina Villaroel). Magkaroon pa kaya ng happy ending ang kanilang pamilya? Tutok lang!
- Latest