Sam at Moira mas malalim na ang relasyon!
Hindi maaaring isipin na porke nakipag-break na kay Sam Milby ang modelong girlfriend niya ay agad mapapalitan ito sa katauhan ng napakabilis sumikat na singer/composer na si Moira dela Torre. Marami ang napapaisip sa closeness na nakikita sa kanila ngayon at binibigyan ng kulay.
Samantala, patuloy ang mabuting pagkakaibigan ng aktor at singer/composer. Kahit hindi sila magkadugo, Sam considers Moira as a younger sister at proud na proud ito sa narating ng huli sa kanyang karera.
Sa ngayon, malaking tulong si Sam sa pag-i-edit ng mga video ni Moira at maski rin ni Kyla.
Kim at Zanjoe gustong bumuo ng pamilya
Magsasama sina Kim Chiu at Zanjoe Marudo sa unang pagkakataon upang gampanan ang mag-asawang sinubok ng naganap na giyera sa Marawi mamaya sa Maalaala Mo Kaya.
Dahil lumaki sa isang military family, nakita ni Ani (Kim) kung paano nangulila ang kanyang ina sa sundalong ama, kaya naman ipinangako niya sa sariling hindi siya kailanman magmamahal ng isang sundalo. Nabago ang pagtingin niya sa pag-ibig nang makilala si Rommel (Zanjoe), ang kasama ng kanyang kuya sa pagsusundalo. Hindi niya inasahang mahuhulog ang kanyang loob sa binata na kalaunan ay naging asawa niya.
Naging maayos ang kanilang relasyon hanggang dumating ang isang dagok sa kanila – nakunan si Ani at na-diagnose na may Poly Cystic Ovarian Syndrome (PCOS). Gusto man nilang pagtuunan ng pansin ang pagbuo ng pamilya, kinailangan naman ni Rommel na umalis at pumunta sa Marawi.
Mabuo pa kaya ang pangarap nila na magkaroon ng masayang pamilya? Makabalik pa kaya si Rommel para tuparin ang kanyang pangako kay Ani?
Ang episode ay sa ilalim ng direksyon nina Dado Lumibao at panulat ni Benson Logronio.
- Latest