John Lloyd-Sarah movies, tampok sa 2nd anniversary ng TVplus
MANILA, Philippines - Malaking thanksgiving blowout ang handog ng ABS-CBN TVplus sa kanilang lampas sa dalawang milyong users sa kanilang second anniversary dahil libreng movie marathon ng A Very Special Love, You Changed My Life, at It Takes a Man and a Woman ang ipapalabas ngayong weekend sa Kapamilya Box Office (KBO).
Espesyal din ang KBO blowout dahil pwedeng mag-register sa KBO gamit ang kahit anong mobile network sim.
Swak din bilang pre-Valentine’s Day celebration ang tatlong pelikula nina John Lloyd at Sarah na umiikot sa love story nina Miggy at Laida at bagay din itong panoorin ng fans na sabik na sa comeback movie ng dalawa under Star Cinema.
Para mag-register gamit ang kahit anong mobile network sim, i-text ang KBOBLOWOUT space <TVplus box ID> space <name> space <address> to 23661. Libreng ang pag-text ng ABS-CBNmobile subscribers, habang may standard SMS rates naman para sa ibang mobile networks.
Samantala, pwede ring panoorin ng ABS-CBNmobile subscribers ang KBO blowout movies sa pamamagitan ng online streaming sa abscbnmobile.com/kbo.
Matutunghayan din ngayong weekend ng buong pamilya ang horror film na Haunted Mansion at ang Hollywood movies na The Impossible at Feast. Kukumpletuhin naman ng pag-ere ng MYX at PBB catch-up ang KBO blowout ngayong weekend.
- Latest
