FHM 100 Sexiest 2016 Jessy nag-una na!
CEBU, Philippines - Ang Kapamilya actress nga si Jessy Mendiola maoy kasamtangang nag-una karon sa padayon nga online poll alang sa FHM 100 Sexiest 2016.
Matapos ang botasyon ugmang adlawa busa todo pangampanya ang fans sa aktres.
Nalabwan ni Jessy ang nag-una kaniadto nga sila si Nadine Lustre ug Jennylyn Mercado nga nahimutang karon sa ikaduha ug ikatulong puwesto.
Nalakip pud sa Top 10 sila si Rhian Ramos, Arci Munoz, Glaiza de Castro, Kim Dominggo, Marian Rivera ug Rachel Anne Daquis.
Aduna’y mga obserbasyon nga nakatabang sa pagtaas sa rank ni Jessy mao ang pag-post niya og sexy photos sa social media sa miaging buwan nga maoy rason nga nibaha ang iyang fans.
Katrina nahagit gihapon sa kontrabida role
Gibutyag ni Katrina Halili nga ma-challenge gihapon siya sa role nga kontrabida bisan kadaghan na siya nakasuway niini.
Nasayran nga modala gihapon siya nga kontrabida sa bag-ong serye sa GMA-7 nga “Sa Piling Ni Nanay”.
Siya maoy modaog-daog sa kauban niya kaniadto sa StarStruck 1 nga si Yasmien Kurdi.
“Ako, hindi ako magkaro’n ng baby dahil nagka-problem ako before so hahanap kami ng surrogate [mother] which is si Yasmien Kurdi. Du’n iikot yung story,” saysay pa ni Katrina ngadto sa 24 Oras. .
Makauban usab nila ni Katrina ug Yasmien ang ka-batch gihapon nila sa StarStruck nga si Mark Herras.
“Masaya po, nagse-share ng kwentuhan, like kami, mga babies. Siyempre hindi lang kami na ‘yung pinag-uusapan eh, ‘yung mga babies na rin namin,” dugang pa ni Katrina.
Kontrabida gihapon ang role ni Katrina sa pelikulang “Higanti,” kung diin kauban niya sila si Assunta de Rossi, Jay Manalo ug Kiko Matos.
Tubag sa pageant contestant gikalingawan
Trending karon sa social media ang tubag sa contestant sa Miss Philippines Earth 2016 nga si Bellatrix Tan nga pambato sa Zamboanga.
Pipila ka netizens ang nibugal-bugal sa tubag ni Bellatriz atol sa question and answer portion kung diin gipangayoan siya og opinyon kalabot sa El Niño ug La Niña.
Matud pa niya nga kinahanglan nga magtanom og mga kahoy aron malikayan ang pag-uga sa yuta ug makab-ot dayon ang La Niña .
“El Niño is what we are facing right now. If we do simple things like planting trees then we will not experience drought, right? So if we start now, we will achieve La Niña,” matud pa sa maong kandidata.
Apan si Bellatrix Tan sa iyang bahin, nitataw kini nga nakulbaan lang gyud siya niadtong higayona ug kahibalo gyud siya sa El Niño ug La Niña.
Sa pagsuwat niining balitaa, niabot na sa kapin sa 3 million views ang video niini sa Facebook ug duna’y 54,000 shares.
Nalakip si Bellatrix sa Top 12 Semi-finalist apan wala na kini nakatungtong sa Magic 5.
Kiray ka-level nila Erich ug Maja
Gipadayag ni Enchong Dee nga nalingaw gyud siya samtang gibuhat nila ni Kiray Celis ang pelikula nila nga I Love You To Death ubos sa Regal Films.
Nakadayeg usab siya sa maayong batasan ni Kiray busa tulin gyud ang dagan sa ilang shooting.
“Hindi ko akalain na ganu’n na pala siya magtrabaho ngayon. Kasi siyempre, dati nakakasama ko lang siya sa ASAP, sa mga live shows, and then only to realize na… I think, siguro dahil Star Magic din siya, so yung training niya din iba,” saysay pa ni Enchong ngadto sa Push.com.ph.
Nagkanayon si Enchong nga susama si Kiray sa work attitude nila ni Erich Gonzales ug Maja Salvador nga nakauban niya sa mga nangagi niya nga proyekto.
“They have the same attitude sa work nina Erich (Gonzales), Maja (Salvador), yung mga nakatrabaho ko dati. Hindi siya nalalayo and siyempre, bida siya dito and kailangan niya talagang mag-step-up. And sa tingin ko naman nabigay niya kasi ginawa niya talagang lahat,” dugang pa sa aktor.
Malipayon si Enchong Dee sa mga proyekto nga iyang nadawat ug nahaom pa gyud kini sa selebrasyon sa ika-10 ka tuig sa showbiz.
Giklaro hinoun ni Enchong nga wala niya gibasol ang iyang lovelife kaniadto sa mga panahon nga nihinay ang iyang career.
“Siguro naiba lang yung focus, pero ayoko kasing isisi sa relasyon yung nangyari sa akin. Kumbaga, ako rin mismo ang may kasalanan do’n, eh, di ba? Naging choosy din ako sa mga gagawin kong proyekto,” dugang pa ni Enchong.
Willie nakugang sa tsismis
Nakugang ang TV host nga si Willie Revillame sa tsismis nga matud nakapamabdos siya og dancer sa iyang show nga Wowowin.
Suma pa ni Willie nga dili tinuod ang maong taho busa igo lang siya nikatawa niini.
Ang maong dancer nga nalambigit sa iyang pangalan mao si Samantha Page ug giklaro sa TV host nga duna na’y uyab ang maong dancer.
Kanhi kandidata sa Miss Manila 2014 si Samantha sa wala pa kini nahimong dancer sa Wowowin.
Cogie mibalik sa pag-arte
Human sa taod-taod nga pagpahuway sa showbiz, mobalik na si Cogie Dominggo sa pag-arte pinaagi sa upcoming episode sa “Ipaglaban Mo.”
Makauban niya sa unang higayon sa proyekto ang iyang higala nga si Patrick Garcia.
Katapusang nilugwa si Cogie sa seryeng “Angelito: Batang Ama” niadtong 2012.
Pipila sa iyang fans ang nagmaya og maayo human nila nadunggan ang pagbalik sa ilang idolo sa telebisyon.
- Latest