Ano kayang feeling na nagkasama uli, Robin basted noon kay Angel
SEEN: Ibinasura ng Sandiganbayan First Division ang petisyon ni Senator Bong Revilla, Jr. na makadalaw ito sa burol ni German Moreno. Ikinalungkot ni Bong at ng kanyang misis na si Lani Mercado ang desisyon ng Sandiganbayan.
SCENE: Dadalhin ngayon sa GMA Network Center ang bangkay ni German Moreno para sa isang gabi ng lamay bago siya ilibing bukas sa Loyola Memorial Park, Marikina City. Dadalo sa huling misa para kay German sa GMA Network Center ang lahat ng Kapuso stars.
SEEN: Kahapon ang huling araw ng shooting nina Yassi Pressman at Andre Paras para sa Girlfriend For Hire na may playdate sa susunod na buwan.
SCENE: Ang Love Is Blind ng Regal Entertainment, Inc. ang kalaban sa box office ng Girlfriend For Hire sa February 10. Mga bida sa Love Is Blind sina Kiray Celis, Derek Ramsay, Kean Cipriano, at Solenn Heussaff.
SEEN: Dumagsa ang fans sa unang araw ng taping at auditions kahapon ng Season 5 ng Pilipinas Got Talent. Mga bagong hurado ng PGT Season 5 sina Vice Ganda, Robin Padilla, at Angel Locsin.
SCENE: Unang nagsama sina Robin Padilla at Angel Locsin noong 2007 sa Asian Treasures, ang action/telefantasya ng GMA 7. Sinubukan noon ni Robin na ligawan si Angel ngunit hindi siya nagtagumpay.
SEEN: Kahapon ang 39th birthday ni Piolo Pascual na produkto rin ng That’s Entertainment ni German Moreno. Nakiramay si Piolo sa mga naulila ni German sa Our Lady of Mt. Carmel Shrine noong Lunes.
SCENE: Ang sweet birthday message ni Kristine Hermosa na paulit-ulit nito na pakakasalan ang kanyang asawa na si Oyo Sotto na nagdiwang kahapon ng 32nd birthday. #MayForever.
- Latest
