Nadine andam mahimong Darna

CEBU, Philippines - Dakong uyon si Nadine Lustre kung pananglitan mataypan siya sa Star Cinema nga himuong bida sa Darna. Suma pa sa aktres nga wala pa siya’y nadawat nga offer apan mapasalamaton siya sa mga tawong nisugyot nga himuon siya nga bida sa maong pelikula.

Angel napungot

Wala makapugong si Angel Locsin sa iyang gibati ug gitubag gyud niya ang iyang basher kinsa nilenggua nga matud pa “laos” ug nagpatagad lang siya human niingon kini nga nagsakit ang iyang likod busa dili na siya madayon sa Darna. Suma pa ni Angel nga dili na  kinahanglan ang detalyado nga impormasyon kalabot sa kondisyon sa iyang lawas busa kever lang siya sa maong basher ug gitubag niya kini og ,“But It’s okay. I understand. I forgive you. I just wanna say na sana…sana, eh, magka-TB ka, magka-ketong ka, tadtarin ng alipunga, sama mo na buni at halitosis, pati putok! masama ugali! haduken!.”

Todo pasabot sa anak

Tsika pa ni  Richard Gomez nga supak diay unta ang iyang anak nga si  Juliana sa pagdagan niya pagka-mayor sa Ormoc. Apan iyaha kining gipasabot og maayo kung diin tumong ra gyud niya ang pag-alagad sa mga tawo. Hinuon nakasabot ra si Juliana ug mihatag na kini og suporta sa pagbalik sa iyang amahan sa politika.

Robin nakugang

Wala mahimuot si Robin Padilla sa dihang nakakita sa episode sa Starstruck 6 nga nagpakita sa kissing scene ni Kylie Padilla sa mga male contestants sa maong talent-reality search. Gipasabot hinuon ni Kylie ang iyang amahan nga duna ra’y sekretong technique sa camera ang gibuhat niini.

Lahi nga show

Ang Tough X Rough maoy usa sa umaabot nga show ni Derek Ramsay sa TV5. Dili matud pa lalim ang maong programa gumikan kay matan-awan ang Obstacle Course Racing (OCR) competition. Matud pa nga mao kini ang labing una nga  OCR series sa Pilipinas.

AlDub sa CelebriTV

Karong adlawa makita ang interview sa programang CelebriTV ngadto nila ni Alden Richards ug Maine Mendoza sa set sa pelikulang My Bebe Love. Si Ricky Lo maoy nag-interview sa duha. Naghinam-hinam na ang AlDub Nation sa maong interview.

Claudine ug Derek magpares

Plano karon sa Viva Artists Agency nga mogama og serye sa TV5 nga pagaparesan ni Claudine Barretto ug Derek Ramsay.   Dako ang posibilidad nga madayon ang maong proyekto gumikan kay ang Viva maoy naghupot karon sa career ni Claudine. Ang big boss sa Viva nga si Vic del Rosario maoy chief strategist for entertainment  sa TV5.

Gikapoy og pangita

Gipadayag ni Keempee de Leon nagpabilin siya nga single bisan pa man nga 42 anyos na siya karon. Suma pa sa aktor nga kapoyan na siya mangita og babaye ug magpaabot na lang siya sa saktong panahon.

LucHo gibasted ni Kris

Giangkon ni Kris Bernal nga gipanguyaban siya ni Lucho Ayala  kaniadto apan wa niya kini sugta gumikan kay bag-o pa lang sila nagbuwag ni Carl Guevara niadtong higayona. Suma pa ni Kris nga wala’y angay nga dalian ilabi na karon nga na-enjoy ra siya sa iyang career.  (Sanden J. Anadia)