Pokwang ibinuko ang relasyon nina Andre at Yassi

SEEN: Maugong ang balita na lilipat si Elmo Magalona sa ibang television network dahil hindi na siya nag-renew ng kontrata sa GMA 7.

SCENE: Payag si Kim Chiu na makatrabaho ang ex-boyfriend na si Gerald Anderson at Maja Salvador pero depende sa project. Nanindigan si Kim na noon pa siya naka-move on mula sa break-up nila ni Gerald.

SEEN: Naniniwala si Pokwang na may mutual understanding na sina Andre Paras at Yassi Pressman pero umaarte muna ang dalawa kaya hindi pa inaamin ang tunay na relasyon.

SCENE: Ngayon ang presscon ng GMA Artist Center para sa 18th birthday ng kanilang contract star na si Bea Binene.

SEEN: Mas mukhang artista si Mark Herras kesa kay Aljur Abrenica sa press conference ng Dangwa, ang pang-umaga na teleserye ng GMA News & Public Affairs na mapapanood mula Lunes hanggang Biyernes.

SCENE: May free shuttle service ang Eat Bulaga para sa lahat ng mga manonood bukas sa Philippine Arena ng Tamang Panahon.

SEEN: Mahina ang benta ng sexy magazine ng Japanese porn star na si Maria Ozawa dahil libreng napapanood sa mga adult site sa Internet ang kanyang mga malalaswang video. Si Ozawa ang leading lady ni Cesar Montano sa Nilalang.

SCENE: Crush ng comedian na si Atak si Wendell Ramos dahil natutulog siya noon na litrato ng aktor ang nasa ilalim ng kanyang unan. Naglaho ang crush ni Atak kay Wendell nang magkasama sila sa Wang Fam ng Viva Films.