Elizabeth Ramsey namatay habang natutulog

Kaya umatras, Kris takot na mag-flop ang pelikula nila ni Mayor HB

SEEN: Ang pasasalamat ni Gladys Reyes dahil sa box office success ng Felix Manalo: Ama, kulang po ang salitang salamat sa tagumpay na ito! Sa mga kapatid sa INC maging sa mga kaibigan, kakilala, bawat isa po kahit hindi INC na nanuod at manonood pa, mula po sa aming puso ang pagpapasalamat na binigyan nyo ng pagkakataon ang pelikulang ito na inyong masaksihan.

SCENE: Sumakabilang-buhay kahapon habang natutulog ang singer/comedienne na si Elizabeth Ramsey. Pumanaw si Ramsey sa edad na 83.

SEEN: Parehong biktima ng bashing ang dalawang Kris, sina Kris Aquino at Kris Bernal dahil sa bintang na nakikisawsaw sila sa popularidad ni Alden Richards.

SCENE: Ang bintang na natatakot si Kris Aquino na mag-flop ang Metro Manila Film Festival movie nila ni Quezon City Mayor Herbert Bautista kaya hindi na niya itutuloy ang paggawa sa pelikula.

SEEN: Masisira ang winning streak ni Kris Aquino kapag sumemplang sa takilya ang pelikula nila ni Herbert Bautista dahil sunod-sunod na taon na blockbuster ang mga pelikula niya na isinali sa mga nakaraang Metro Manila Film Festival.

SCENE: As of presstime, hindi pa nagbibigay ng reaksyon at statement si Justin Bieber tungkol sa kanyang kumalat na nude photos na kuha sa Bora Bora.

SEEN: Hindi tinatantanan si Julie Anne San Jose ng selosang fans ng AlDub dahil nakakaranas pa rin siya ng mga pagsabunot at masasakit na salita.