Dugay ra nga single

CEBU, Philippines - Gipadayag ni  Sam Milby nga nalingaw ra siya sa iyang kinabuhi bisan pa man nga unom na siya ka tuig nga wala’y uyab. Suma pa sa aktor nga daghang butang ang makapalipay kaniya ug dili lang kutob sa seryosong relasyon.

Nora sa Little Mommy

Malipayon si Nora Aunor gumikan kay malakip siya sa upcoming series sa GMA-7 nga   Little Mommy.  Suma pa ni Nora nga gimingaw na gyud siya og mga serye.

Ai Ai mopirma sa Regal

Gikatakdang mopirma og kontrata sa Regal Entertainment sulod niining semanaha ang komedyanteng aktres nga si AiAI delas Alas. Sa miaging adlaw unta kini mahitabo apan wala kini madayon gumikan kay busy ang aktres sa taping sa  CelebriTV.

Wala’y pugsanay

Gipikhan pagbalik ni Joey de Leon ang mga tawong magsige og saway sa AldUb kalyeserye sa Eat Bulaga. Suma pa ni Joey nga kung dili man gani kauyon sa kalyeserye, puwede ra nga dili motan-w sa Eat Bulaga aron dili magsakit ang dughan.

Busy sa Marimar

Wala makatikang si Miss World 2013 Megan Young sa press launch sa  27 official candidates sa  Miss World Philippines 2015 niadtong Martes. Na-conflict ang schedule niini sa taping sa seryeng Marimar.

Go Kim!

Gidayeg pag-ayo ni Xian Lim ang performance ni Kim Chiu sa pelikulang ‘Etiquette for Mistresses’. Suma pa nga lahi nga Kim ang masaksihan sa maong pelikula gumikan kay mga lisod gyud nga eksena ang gibuhat niini.

Arron mi-deny sa isyu

Gihimakak ni Arron Villaflor ang taho nga matud pa dalion sa ABS-CBN ang paghuman sa seryeng  “All of Me” gumikan sa mga kakulian niini sa set. Suma pa ni Arron nga maayo ang dagan sa ratings niini busa imposible kaayo ang maong report. Una na nga nigawas ang report nga nakahatag og kahasol sa taping ang usa sa mga bida niini nga si JM de Guzman gumikan kay matud pa naglinabad na usab kini.

Katapusang guest

Kutob na lang karong buwana ang seryeng The Half Sisters. Pasudlon karong buwana sa maong serye ang karakter ni Eddie Guttierez.

Todo paningkamot

Miulbo ang taho nga matud pa nga duna’y  pipila ka mga writer sa Pinoy Big Brother ang gipang-hire sa  It’s Showtime aron makamugna og bag-ong gimik nga pang-alkontra sa Eat Bulaga.  

Heneral Luna Mikita na og P172M!

Mikita na og P172 million  ang pelikulang  Heneral Luna sulod sa upat ka semana nga pagpasalida niini.  

Ang distributor sa maong pelikula nga si Atty. Joji Alonso maoy ni-post sa Facebook sa  kita sa  maong historical biopic ug  gikonsiderar kini nga  “highest grossing Filipino historical film.”

“The film started slow at the box office. But because of your generous support, the film has broken norms and patterns and the usual dwindling statistics as each week passes,” tipik sa Facebook post ni  Atty. Alonso.

Aduna pa’y mga sinehan nga nagapasalida niini busa   padayon nga nag-awhag si Alonzo nga  motan-aw sa Heneral Luna  aron moabot na og P200 million ang kita niini.

Human sa maong pelikula nga gibidahan ni Jon Arcilla , himoon  na usab ang pelikula nga maghisgot sa laing bayani nga si
Gregorio del Pilar nga pagadalhon ni  Paulo Avelino.  Ang Heneral Luna maoy pambato sa Pilipinas alang  2016 Oscars. 

Unang adlaw Etiquette for Mistresses naka-P15M

Nakahipos  dayon og P15 million nga kita ang unang adlaw sa pagpasalida sa pelikula  sa Star Cinema nga “Etiquette for Mistresses” nga gipasalida sa dul-an sa 200 ka mga sinehan sugod niadtong Miyerkules.

Gianunsyo kini atol sa programang “Tonight with Boy Abunda” niadtong Miyerkules sa gabii kung diin special guest sa maong episode ang usa sa mga bitoon sa maong pelikula nga si Claudine Barretto.

“I’m still in shock. Maraming maraming salamat po sa lahat ng nanuod at manunuod pa,” suma pa ni Claudine.

Suma pa sa aktres nga ubay-ubay gyud nga mga pagtulun-an ang makutlo sa pagtan-aw sa maong pelikula nga inspired sa libro nga sinuwat ni Julie Yap Daza.

“Mag-iisip ka ng sampung beses bago ka pumasok sa ganitong sitwasyon.   We are not really glorifying mistresses but pag napanuod ninyo, makikita ninyo ‘yung side nila at noong wife at iisipin ninyo kung worth it be talaga,” dugang pa sa aktres.

Gawas kang Claudine nalakip usab sa maong pelikula sila si Kris Aquino, Kim Chiu, Iza Calzado, Cheena Crab ug ubos kini sa direksyon ni Chito S. Rono.