Hugyawnatic

Dear Banat News Hugyaw,

Good day sa tanang readers! Usa gyud  ko sa tigbasa aning Love Story. Ako si Mikel ug taga Subangdaku, Mandaue City.

Ang akong i-share kabahin kini sa akong story, ug sa story pud sa akong friend nga tawaga lang sa pangalan nga Lyn. Kini si  Lyn kay feminine girl,  we’ve been friends since high school ug  karun nga college na mi sa usa ka university .Duna’y gisulti si  Lyn kanako, ug matud pa niya, duna siya’y  gikaibgan nga sama ra usab niya nga babaye.

Maluoy ko sa akong friend ug permi siya mo-share nako kabahin sa babaye nga iyang naibgan.

Ang pangalan sa maong babaye kay Jeah, ug alang kang Lyn, perfect daw  kini ug boutan pa gyud.

Inspired daw siya permi tungod ni Jeah, apan nakapangutana si Lyn nganong niini paman siya naibog nga manhid man kaayo kini.

Kung makakita siya ni Jeah, masakitan lang siya,  busa sakit pud para nako nga makakita sa kahimtang ni Lyn.

Buotan si Lyn, naa niya tanan ang gusto nako sa usa girl, kay sweet ug matinabangon siya sa iyang pamilya.

Wala ko’y masulti nga bati kaniya tungod kay maayo siya nga pagka-amiga. Kung ako pa lang si Jeah, sugton gyud nako siya,

Subo lang kaayo kay dili man ako ang iyang gimahal. Gihigugma nako siya labaw pa sa usa ka higala, ug gidawat nako siya kung unsa siya.

Dili ko makaako sa pagsulti sa akong gibati kang Lyn tungod kay close kaayo mi. Dili ko ganahan nga maguba ang among friendship.

Usa pud, dili siya mahigugma nako tungod kay amigo ra gyud ang iyang treatment nako ug babaye ang iyang gusto.

Hay nganong nahigugma pa man siya sa tawo nga wala siya gimahal nga dia ra man unta ko nga nahigugma kaniya?

Request unta ko sa lyrics sa song nga Ba’t Di Ko Ba Nasabi by Myrus.

Hello Mikel! Thank you so much sa imong LOVE STORY! Paabuta ugma puhon ang lyrics sa kanta nga mahaom sa imong love story.

Dear HUGYAWnatics, aduna ba kamo'y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate  aron matarong og basa.

Mahimo sab nga pinaagi sa snail mail. Ang atong address mao kini:

Love Story

C/o Banat News

Corner V. Gullas and D. Jakosalem Streets

Barangay Sto. Nino

6000 Cebu City, Philippines