Ikalawang sold out concert ni Zedd, pinaindak ang Pinoy fans!

MANILA, Philippines – Muling pinaingay ng presensya ng Electronic Dance Music (EDM) superstar na si Zedd (Russian-German music producer at DJ, Anton Zaslavski) ang Mall of Asia Arena noong nakaraang Sabado (Aug. 8) sa kanyang pagbabalik sa bansa para sa pag-promote ng kanyang pinakabagong album na True Colors.

Ang event producer na Neverland Manila ang nagbigay ng isang gabi ng kasiyahan na hindi lang tinatampukan ng music talent ni Zedd kundi pati ang music ng local DJ na si Callum David bilang opening act at ang crossover musical project na Haywyre.

Ilan sa hits na pinatugtog niya ang Beautiful Now, mix ng Stay The Night, Clarity, Spectrum, Break Free, at Find You. Mula rin sa kanyang nakaraang hits ang Transmission, Done With Love, Papercut, at ang kanyang latest smash hit na I Want You To Know featuring Selena Gomez. Isinama din niya ang kanyang sariling mix ng Rather Be ng Clean Bandit, Rude ng MAGIC, Sky Full Of Stars ng Coldplay, Time Of My Life (Dirty Beat) ng Black Eyed Peas, at Pompeii ni Bastille.

Iprinisenta rub ng MCA Music Inc. (Universal Music Philippines) sa Grammy winner ang Gold Record Award in recognition sa outstan­ding sales performance ng kanyang debut album na Clarity (2012).

Ang ZEDD TRUE COLORS album ay maaari nang i-download via SPINNR.PH at iTunes. Mabibili na rin ang CDs nito sa Astroplus/Astrovision; or stream via Apple Music, Spotify, or Deezer.