Matagal walang nakatabi sa kama Robin nanabik kay Mariel

SEEN: Sandali lang pinag-usapan ng publiko ang exclusive interview ni Vice Ganda kay P-Noy sa Gandang Gabi Vice.

SCENE: Ang balita na nagiging maayos na ang kalagayan ng former PBA player na si Samboy Lim na naka-confine pa rin sa The Medical City. Plano ng pamilya ni Lim na maglagay ng hospital room sa kanilang tahanan.

SEEN: Ang advisory na iwasan ang mga lugar sa Maynila na daraanan ngayon ng prusisyon ng Mahal na Nazareno. Mga deboto ng Nazareno sina Coco Martin at Noli De Castro.

SCENE: Extended hanggang sa January 31, 2015 ang mga deputy card na ipinamahagi ng Movie and Television Review and Classification Board (MTRCB). Nag-expire ang bisa ng MTRCB Deputy Card noong December 31, 2014.

SEEN: Ginanap kahapon sa isang beach resort sa Laiya, San Juan, Batangas ang gay wedding nina Liza Diño at Aiza Seguerra. Ito ang pangalawang beses na nagpakasal sina Aiza at Liza na unang ikinasal noong December 8, 2014 sa Stones and Flowers Retreat House sa Ben Lomond, California. 

SCENE: Three thousand US dollars ang presyo ng branded bag na regalo ni Zoren Legaspi kay Carmina Villaroel. Ang bag ang hiniling ni Carmina na Christmas gift mula sa kanyang asawa. 

SEEN: Bumalik na kahapon si Mariel Rodriguez mula sa kanyang matagal na pagbabakasyon sa Amerika. Ipinagdiwang ni Mariel ang Pasko at Bagong Taon sa piling ng kanyang pamilya. 

SCENE: Maligayang-maligaya si Robin Padilla sa pagbabalik sa bansa ni Mariel Rodriguez dahil nangulila siya nang husto sa kanyang asawa.