Giuswag ang bakasyon

CEBU, Philippines - Giuswag ni Kris Aquino ang petsa sa paglarga niya uban sa iyang mga anak   aron makatambong sa kasal nila ni Marian Rivera ug Dingdong Dantes karong December 30. Usa si Kris sa mga ninang sa kasal sa Dongyan.

Dennis nakapuntos

Gikatahong “highly commended” si Dennis Trillo sa bag-ohay lang nga Asian TV Awards gumikan sa maayong performance niya sa serye niadto sa GMA-7 nga My Husband‘s Lover.

Nagpaduding sa usa’g-usa

Lantaran ang paghagwaay nila ni Rachelle Ann Go ug sa co-star niya sa Miss Saigon.  Gidungog nga midiskarte ang maong lalaki ngadto kang Rachelle Ann.

JM ug Neil naghalok

Dunay kissing scene sila si JM de Guzman ug Neil Coleta sa umaabot nila nga pelikula nga  “Papa’s Boy.” Si Don Cuaresma maoy direktor sa maong movie project.   Nalakip usab sa  “Papa’s Boy”sila si Edgar Allan Guzman, John “Sweet” Lapus ug  Benjie Paras.

Pasok sa Top 10

Nalakip ang indie film nga Norte, Hangganan ng Kasaysayan sa listahan sa 10 Best Under-the-Radar Films of 2014 nga gimantala sa American lifestyle magazine nga Details. Ang maong indie film nahimutang sa ikawalo nga puwesto busa nagmaya og maayo ang mga bida niini nga sila si Sid Lucero, Angeli Bayani ug Archie Alemania .

Mitungha sa Thailand

Misalmot sila si  Jodi Sta. Maria , Aia de Leon , ug Francine Prieto og special cooking class sa pagbakasyon nila sa Thailand dili pa lang dugay partikular na sa Baipai Thai Cooking School.