Kadaugan sa Sugbo Matt The Best Actor

CEBU, Philippines – Pangandoy lamang niya kaniadto ang makahuman pag-eskuyla ug makatrabaho, apan lahi ang badlis sa kapalaran alang sa 28-anyos nga si Mark Anthony Comendador Daclan, kinsa lumad nga taga Barangay Tisa niining dakbayan. Kamanghuran sa pito ka magsuon, dos anyos lamang siya kaniadto, dihang nagbulag ang iyang mga ginikanan.

High school siya dihang gidapit siya sa kaniadto nagsugod pa lamang nga banggiitang direktor na karon nga si Remton Siega Zuasola aron himuong model sa usa ka music video nga gihimo niini isip school project.

Nagsugod gyud ko gikan sa pinaka ubos. Kami nilang Remton sa una, duna sila’y project sa school wayback mga 2002 man siguro. High school ko, college sila naa silay school project which was music video ni Mike Feji, manghud ni Anna Fegi, ila kong gikuha. Then after ato, naa silay mga school projects kuhaon pud ko nila mag-crew sab ko, usahay mag-audio boomer ko, si Ruel Antipuesto nag-train nako. Hangtud maghimo nami og prosthetics, mga ingon ana. Eventually ni evolve siya, I’ve done a couple of short films pud nga nag-act ko, then niabot sa hosting mao tong sa Suroy Suroy (sa Sugbo TV), balik na sab sa acting,” asoy ni Matt sa Banat News Hugyaw (BNH) kagahapon.

Suod sila nga managhigala ni direk Remton sanglit managsama sila nga sacristan kaniadto. Matud ni Matt, niadtong high school siya naka-apil siya og stage play. Paminaw niya mao kadto ang  nagkabig kaniya paingon sa industriya nga iyang nahimutangan karon.

Paglabay sa pipila ka tuig, human usab sa mga ginagmay nga proyekto atubangan ug likud sa camera, niabot kaniya ang kahigayonan nga mamahimong bida sa  “Aftershock” nga ginama ni direk Remton ug entry sa Sinulog Short Film Festival niadtong Enero. Siya maoy nahimong Best Actor.

Hangtud nga nasundan niining “Soap Opera” nga matud pa niya, namugna ni direk Remton ang konsepto, upat ka tuig na ang nilabay.

Dul-an duha ka adlaw human sa iyang mabulukon nga kadaugan isip Best Actor sa Cinema One Originals diin usa sa iyang gipildi mao si Ketchup Eusebio ug diin si Angelica Panganiban ang Best Actress, nakighinabi si Matt sa BNH ug The Freeman Entertainment kabahin niining maong pelikula, ingon man ang iyang kagahapon ug ang umaabot:

BNH:  First and foremost congratulations Matt! Almost two days after (winning) how does it feel?

Matt: Duka. (Hahaha). Bitaw, nindot siya nga feeling kay atleast wa’ta ma-zero, especially Cebuano film. And then unexpected siya kay in the first place, we’ve been watching man all the premieres of the films (entry) and na-threaten ko kay maayo gyud kaayo sila, maayo kaayo ang mga actors. Wa na ko mag-expect nga mudaog pa, ang ako lang is the experience is already a fulfillment para nako. Ako man nakita nga 100% akong gihatag tanan sa shooting pa lang. So kato pa lang daan contented na ko. Then pagtawag nga nominated ko, I was actually telling myself nga, “okay na, kontento nako. Good as winning na.” But then niingon man duha daw ang nakadaog, it’s a tie.

BNH: Yeah kana nga moment, pag-announce nga it’s a tie, unsa may imong gibati?

Matt: Murag nabuhian ko’g dugo. Ang feeling gyud nako kay not bad as a beginner. Mao nga sa akong speech niingon ko nga ako gyud gi-dedicate akong award sa kadto pong nagpadayon pa pagkab-ot sa ilang damgo.

BNH: Ang imong entry was…

Matt: Soap opera. Three films within a film kay naa siya’y duha ka teleserye which are Isla Zaragoza nga gibidahan ni Lovi Poe ug Rocco Nacino, ug naa pud si Mercedes Cabral, and then Ramini mao to atong radio drama nga finally naa na sa big screen nahimo na siyang salida which is gibidahan pud ni Bugoy Carino, silang Alma Moreno, Dennis Padilla and then ang akoa which is the Real Life. Kami ang klase sa pamilya which is addicted to teleserye, Pinoy style nga hilig kaayo mutan-aw og melodramatic nga teleserye. Naa mi anak, and iya pong idol si Ramini. Mag-usab-usab lang ang transition between the real life and teleserye. So murag ang teleserye lang didto kay parallel siya sa among kinabuhi, bisan ang teleserye naay mga problema, and kami sab in real life naa pud mi mga problema. And para ma-divert among attention is to watch pud usahay sa mga teleserye.

BNH: Giunsa nimo pag-prepare sa imong character? How similar or how different are you from your character?

Matt: To be honest lisud kaayo. It talks about family man gud. It talks about deceit and lies. And para nako, I’ve never experienced as a father baya kay single, wala pay anak, wala pa maminyo. So ang burden lang ba to carry as a father unsaon nako pagpapagawas? Unsaon nako pag-integrate which is wala pa ko kasuway anang sitwasyona.

BNH: Unsa man diay ka didto?

Matt: Papa ko. Naa koy asawa. And ang amo gyung istorya kay kana ganing mang- scam gani mi. Tambay rako, wala koy trabaho and among anak masakiton naa sa hospital. Para maka-earn mi og kwarta mangilad mi, mao na ang akong asawa manguyab og Amerkano iyang dad-on sa hotel, akong sak-on didto akong kawatan. Siya pud iyang huthutan. Ingon ana among situation. Naabot sa point nga naapil na sa among kinabuhi ang Amerkano. Magpablind-blind lang ka kay wala kay choice. So bug-at gyud kaayo siya, ang tanan imong buhaton para sa imong anak.

BNH: Matt naa kay gi-mention didto sa caption sa imong photo nga parang this is for the people who never stopped dreaming, tell us about it.

Matt:  Para lang nako ba kay naa man say mga ups and downs. Para lang nako it’s a personal feeling nga usahay dili gyud tanang damgo nato muabot di ba? Naay usahay bisag unsaon nato pagpaningkamot, why man gyud nga dili nato makuha? Usahay ato pang isakripisyo ang atong mga pangandoy tungod lamang sa ubang tawo, para sa loved ones nato, sa atong pamilya. So after the movie, after nakuha nako ang award, mura siya’g reward ba nga after all the sacrifices nga nabuhat. Mura siya’g “Matt mao ni among reward sa tanang sakripisyo nga unta para imo, mga career before. So that’s why. Positive man kaayo ko gud, dili gyud ko mu-give up pa. Nga naa gyuy para imo. So mao to akong feeling nga dili gyud ko mu-give up ug ako ning i-dedicate para sa mga tawo nga dili gyud mu-give up.

BNH: Speaking of sacrifices, unsay mga sakripisyo nga imong gibubo para ining maong pelikula?

Matt: Daghan. Time. Usahay health, kay aside man gud as an actor nag-production coordinator sab ko nila, nag-talent casting, murag tanan, every aspect, the whole process naa gyud ko. Nag-location manager pa ko diri sa Cebu. So right after the shoot ni-focus nako sa acting. Dedication lang gyud. So tanan kun unsa tong akong gipangbuhat, ako siyang gi-let go, focus lang gyud ani kay murag this is once in a lifetime experience. Lisud na kaayo siya nga kun masipyat ka, dili na siya mabalik.

BNH: Matt away from the camera, who are you?

Matt: Ako si Matt Daclan, simple nga tawo. Malipay rako’g simple nga mga butang. Jologs usahay, videoke king, langas usahay, kiat and then buotan nga bata.

BNH: Asa nimo gikuha or when you act where do you draw the emotion from?

Matt:  Family gyud. Because I grew up di ba without a father. So every time mu-act ko, ako gyud na isiksik kay mao gyud na ang makahatag nako og panghuhugutan.

BNH: How hard was it growing up without a father?

Matt: Pagpangan pa lang nga mudako ka nga wala kay amahan, it’s really hard. I’m not angry man, siguro karon naa lay pagpangluod gamay. Pero bahala na lang na siya uy (smiles).  Magkita man mi usahay, muadto man sab siya sa among balay pud, pero dili siya musulod.

BNH:  Kanus-a nimo na-forgive imong papa?

Matt: Dugay naman siguro. Pero dili lang nimo malikayan ba nga murag mangluod gihapon ta. Siguro kay kinamanghuran, murag mangluod gyud ka ba. Ambot I don’t know, I tried to be okay pero dili man gyud kalikayan uy nga mangluod gyud ka ba kay supposedly mudako gyud ka ba nga naa gyud kay papa, nga naa kay i-look up ba.

BNH: What are you most proud of as a Cebuano?

Matt: Syempre ang atong lugar. Ang mga bisaya nga smile kaayo permi makakita og fellow Cebuano.

BNH: What is your dream project?

Matt: Action! Ganahan kaayo ko’g action. Pero drama of course, tradisyon naman na natong mga melodramatic , makit-an sa TV.

BNH: Sexy drama, like silang Sid Lucero muhubo gyud, Angel Aquino…

Matt: Ah, I don’t go frontal, siguro topless pwede. I don’t know.  Di ko makaingon nga dili nako kaya. Siguro karon lisud siya buhaton kay bag-o pa lang ko. Mura siyag’ culture shock  para nako. Siguro kun beterano na gyud, maayo na gyud, siguro, basta dili lang siya to the point bastos ba.

BNH: Kinsay imong ganahan makatrabaho sa mainstream showbiz?

Matt: Ganahan ko makatrabaho Erich Gonzales. Ganahan ko sa iyang beauty, ganahan sab ko niya mu-act.