Chiz at Heart gigisahin ni Igan!
MANILA, Philippines – Love is in the air ngayong Miyerkules ng gabi dahil isang nakakakilig na kuwentuhan ang hatid ng Tonight with Arnold Clavio kasama ang newly engaged couple na sina Senator Chiz Escudero at Heart Evangelista.
Ide-detalye ng dalawa ang kanilang love story mula sa una nilang pagtatagpo hanggang sa matamis na marriage proposal ni Senator Chiz kay Heart kamakailan sa Sorsogon. Ilang detalye rin tungkol sa nalalapit nilang kasal ang ikukuwento nila. At gaya ng maraming relasyon, may ilang pagsubok din ang kanilang pinagdaanan at ibabahagi nila kay Arnold kung paano nila hinarap ang mga ito.
Hindi rin makalulusot ang dalawa sa matinik na couple game ni Igan! Mas mataas na score kaya ang makukuha nila kumpra sa ibang couples na sumalang na sa hot seat?
Malalaman na kung gaano nila kakilala ang isa’t isa, anong ‘term of endearment’ ang kanilang tawagan, sino ang Boss sa relasyon at kung anu-ano pang nakakakilig na impormasyon.
Tunghayan ang unang bahagi ng two-part special interview na ito sa Tonight with Arnold Clavio ngayong Miyerkules ng gabi, 10:15pm, sa GMA News TV.
- Latest
