Kris pinutol ang bakasyon sa New York, Boy Abunda ‘di pa puwedeng magtrabaho

SEEN: Ang Tatay’s Boy ng Batangas na naging Tamad Boy ng Batangas na si Joshua Garcia ang pinalabas sa PBB House noong Linggo. Napaiyak si Joshua kahit hindi pa sinasabi ni Toni Gonzaga na siya ang latest evictee sa PBB House. 

SCENE: Hindi na makatarungan ang kaartehan ni Fifth Pagotan sa guesting nila ng kanyang twin brother sa Gandang Gabi Vice noong Linggo.

Kinabubuwisitan ng televiewers ang mga kaba­dingan ni Fifth.

SEEN: Ngayon ang 75th birthday ni Regal Films producer Lily Monteverde, ang producer ng Somebody to Love na ipalalabas bukas sa mga sinehan.

SCENE: Ang very short New York vacation ni Kris Aquino na kailangan na bumalik sa Pilipinas dahil walang host ang Abunda and Aquino Tonight. Nagpapagaling pa ang co-host ni Kris na si Boy Abunda.

SEEN: Ang masikip na daloy ng trapiko sa Araneta Center noong Linggo dahil sa basketball game ng Ateneo de Manila University at De La Salle University.

SCENE: Ginunita kahapon ni Megan Young ang unang anibersaryo ng koronasyon niya noong August 18, 2013 bilang Miss World Philippines na naging daan upang tanghalin siya bilang kauna-unahang Pilipina na nanalo ng Miss World title and crown. 

SEEN: “The who?” ang tanong ng lahat sa attempted suicide ng Banana Split comedian na si Jobert Austria na hindi nakakuha ng simpatiya sa kanyang tangka na pagtalon mula sa isang building sa Quezon City. 

SCENE: Ang report ng Box Office Mojo International sa box office gross ng mga pelikula na ipinalabas sa mga sinehan sa Pilipinas noong July 30 hanggang August 3.