Glenn Soco bag-ong co-anchor sa Aksyon Bisaya!
CEBU, Philippines - Ang negosyante ug kanhi kandidatu pagka bise-gobernador sa lalawigan sa Sugbo nga si Glenn Anthony Soco maoy napili sa TV5 Cebu nga bag-ong anchor sa banner news program sa estasyon, Aksyon Bisaya, sugod karong hapon, Hunyo 4.
Mga tinubdan sa Banat News Hugyaw (BNH) nitug-an nga nagbansay-bansay na si Soco sa pagbatbat og balita sulod sa pipila ka adlaw. Ang iyang final rehearsal gipahigayon niadtong Lunes.
Kahinumduman nga ni-resign sa TV5 ang manlalaban nga si Atty. Frank Malilong Jr. human sa kapin usa ka tuig, gumikan sa “health reason.†Katapusan siyang nagco-anchor ni Atty. Georgia Herrera niadtong Mayo, 23.
Post ni Malilong sa iyang Facebook account pipila ka adlaw sa wala pa siya hingpit nanamilit nagkanayon: “I have resigned from TV 5 and Radio 5 effective Friday, May 23. Notice is hereby given to the public that any transaction entered into by me beyond that date will not be honored by the station. And VICE VERSA, hehehe.â€
“Complete Packageâ€
Ang station manager sa TV5 Cebu Karla Kintanar- Fernandez sa Facebook interview sa BNH kagahapon sa hapon nihulagway kang Soco isip “complete package†hinungdan nga siya maoy ilang gipili.
“We feel that Glenn is a complete package; all factors in: rapport with the masses, heart to serve (being in this industry entails a lot of that), credibility as a person (in his business dealings, corporate affiliations and social work), popularity, familiarity with the Visayan dialect and of course his undoubtedly very good looks and pleasant personality (he registers very well on cam). Given all that, the business aspect will not be difficult to boost,†tubag ni Fernandez.
Dihang gipangutana kabahin sa politikanhong bulok ni Soco, tubag ni Fernandez: We don't consider it a big or crucial factor. For now, he has not been focusing on his political activities if you notice. After all, in politics, you don't have permanent enemies. They could be friends again via the additional field that he is now getting into. We look forward to more exciting things with Glenn on board! Cheers!
“Entrepreneur Socoâ€
Ang Facebook account ni Soco, naghulagway kaniya isip usa sa mga batan-ong negosyante sa Sugbo, nga nakapanag-iya ug nagdumala na og daghang mga kompaniya sulod sa 11 na niya ka tuig sa industriya. Gradwado sa University of San Carlos sa kursong Industrial Engineering, sa edad nga 21, siya maoy nidumala sa negosyo sa ilang pamilya, usa ka janitorial agency nga namugna niadtong 1972.
Isip tagdumala sa negosyo sa ilang pamilya, napalapdan nila ang ilang mga negosyo nga naglakip na sa “cinema operations, food and restaurant operations, book distribution and rural banking. Apan naila si Soco og maayo sa natad sa negosyo dihang gibukhan niya ang Coffee Dream niadtong 1996, dinhi sa Sugbo, diin niadtong panahona wala pa mauso ang mga coffee shops dinhi sa dakbayan.
Si Soco mao ang ikatulo na nga co-anchor sa Aksyon Bisaya. Una kining gidumala ni Atty. Ruphil Banoc ug Lanne Sino-Cruz, ug gisundan nila ni Malilong ug Herrera niadtong April 15, 2013.
Ang Aksyon Bisaya makita sa TV5 matag alas 5:30-6:30pm, Lunes hangtud Biyernes.
- Latest
