Kabag-ohan sa CCTN

CEBU, Philippines - Yes, mga yadzz bisa’g taga CCTN ko, duna gyo’y mga kalihokan sa CCTN ug sa Oasis Of Love, nga dili nako matambongan. Usa niini mao tong anniversary sa Oasis Of Love nga diha ipahigayon sa Family Park sa Banilad dili pa dugay. Domingo man pod to, ug nanagana ko, basin kun wa unya’y maka-serve sa misa sa St. Florian chapel, hinungdan nga kanunay na kong anha ra sa among atbang mosimba, sa St. Florian Chapel, ang chapel sa Central Fire Station, ug panagsa na lang intawon ko makasimba sa chapel sa Broadcast Center sa INTV-CCTN, Channel 47, labi na kay grabe pod ang uwan nga daw bagyo na gani niadtong higayona. Wa pod ko makatambong sa launching sa mga bag-ong programa [O revamp] sa INTV-CCTN, Channel 47. Kay gawas nga wa gyod ko makadawat sa formal nga invitation, grabe pod ka sayo ang maong kalihokan. Alas siete [7am] sa buntag ang kalihokan, nga diha ipahigayon sa Montebelllo Villa Hotel niadtong Lunes [Septyembre 2]. Busa, kun kinahanglang motambong, 5:30 pa lang sa buntag, kun magsakay sa PUJ, magpaingon ka na didto. Kay wa lagi ko makadawat sa formal nga invitation, wa ko makapangandam. Kinahanglan kong mangandam, kay niining orasa man kanunay moabot ang akong mga newspapers sa akong gamay nga newsstand, unya, iapod apod pa gyod ni ngadto sa mga suki. Kun Walk With Jesus 3-day Stay In Seminar hinuon, pangandaman gyod kini nako. Busa, duna ko’y tugonon para sa pagdawat sa mga newspapers, ug pagpanghatod ngadto sa mga suki. Hinuon, nalipay ko, kay nagbalita si Fe Marie Dumaboc kalabot sa kalihokan, busa nasayod ko’s mga kausaban sa mga programs. Kaming mga taga CCTN, mapasigarbohon mi, nga ang among mga programa, lonlong mga binisaya, ug kay Catholic Television Network, ipasigarbo gyod namo, nga tinarong, hapsay ug malinis ang among mga programa, tungod ug alang sa Diyos. Si Fe Marie, usa sa labing batan-on ug maanyag nga reporter dinhi sa dakbayan sa Sugbo.