Nakalagay sa kanyang marriage contract totoong edad ni Derek, 36 na!

SEEN: Mapapanood ngayong umaga sa ABS-CBN ang Miss Universe 2012.

Si Shamcey Supsup ang host ng On the Scene ng Miss Universe.
SCENE: Thirty-six years old na si Derek Ramsay noong December 7. Mali ang mga press release na 33-years old lamang si Derek dahil nakalagay sa marriage contract nila ni Mary Christine Jolly na isinilang siya noong December 7, 1976.

Nagpakasal sina Derek at Mary Christine noong April 3, 2002 sa Balagtas, Bulacan.

SEEN: Parehung-pareho ang plot ng 2008 Chinese movie na In Love We Trust at ng One More Try, ang official entry ng Star Cinema sa Metro Manila Film Festival 2012.

SCENE: Si Pagsanjan Mayor Maita Ejercito ang kumanta ng Aking Inang Bayan, ang theme song ng El Presidente, ang pelikula na tinatampukan ng kanyang asawa, si Laguna Governor Jeorge Estregan.

Bidang-bida si Maita sa MTV ng El Presidente.

SEEN: Ngayong gabi ang red carpet premiere sa SM Megamall Cinema ng Si Agimat, si Enteng Kabisote at Si Ako. Dadalo sa premiere night sina Senator Bong Revilla Jr., Vic Sotto at Judy Ann Santos.

SCENE: Lilipad bukas sa Robertson, Australia ang mag-asawang Ogie Alcasid at Regine Velasquez, kasama ang kanilang anak na si Nate. Ipagdiriwang ng Alcasid Family ang Pasko sa bahay ni Michelle Van Eimeren sa Robertson.

SEEN: Mapapanood si Luis Manzano sa Be Careful With My Heart. Siya ang bagong cast member ng top-rating show ni Jodi Sta. Maria sa ABS-CBN.

SCENE: Ang Christmas party ng Star Magic sa Wil’s Events Place noong Miyerkules. Ang Star Magic ang talent management company ng ABS-CBN, ang dating home studio ni Willie Revillame, ang may-ari ng Wil’s Events Place.