2NE1 Natanggong sa Japan!
CEBU, Philippines - Natanggong sa usa ka hotel didto sa Japan ang Korean all-girl group nga 2NE1 niadtong Biyernes. Ang grupo, diin nahilakip si Dara Park, milupad paingon sa Japan niadtong March 9, aron pag-promote sa ilang album nga TO ANYONE.
Niadtong Biyernes unta ang ilang promo day, apan tayming kaayo nga naigo og tsunami ang pipila ka bahin sa Japan sa maong adlaw.
Ang YG Entertainment Representative nagkanayon nga “The local staff weren’t able to call, and it got us concerned, so we got worried about were the four members were. Today, they were set to perform in Asahi TV Music Station, but their debut has been canceled, and their promotions are postponed.”
Gitakda unta sila nga mupauli sa Korea niadtong Sabado apan pakyas gumikan kay sirado man ang mga tugpahanan sa Japan tungod sa kalamidad.
Wala sila maka-perform niadtong Biyernes. Hinuon luwas ra ang mga sakop sa grupo sa bisan unsa nga kadaot.
“Thank God we’re safe, what happen yesterday (March 11) was like a nightmare..We saw the tsunami..please continue to pray for Japan,” nagkanayon si Dara Park niadtong Sabado. (BANAT NEWS)
- Latest
