Douglas Quijano mipanaw
CEBU, Philippines – Napalgang patay kagahapon ang veteran talent manager nga si Douglas Quijano sa panimalay niini sa Lucban, Quezon. Ang magazine editor ug film director nga si Ces Evangelista maoy naka-diskobre sa nahitabo, sanglit bisita man siya sa panimalay sa talent manager. Suma pa niya nahibulong na lang siya nga dugay migawas sa kwarto niini si Douglas nga unta permi man kining sayo momata. Busa gisugo niini ang driver ni Douglas nga tan-awon ang amo kung naunsa na, apan tungod kay nanarangka si Douglas napugos sila og guba sa pultahan. Didto na nila napalgan nga wala nay kinabuhi si Douglas.
Lakip sa mga sikat nga talents ni Douglas sila si Richard Gomez, Jomari ug Anjo Yllana, John Estrada, Wendell Ramos, Gelli de Belen ug Lucy Torres.
Heart attack ang gituohang hinungdan sa kamatayon ni Douglas.
- Latest