Angelika walay duha-duhang nag-two-piece

CEBU, Philippines - Nag-two piece si Angelika bisan dako na siya og tiyan ug walay duha-duha nga gipatik niya sa Facebook. Excited na si Angelika ug ang iyang bana nga si Orion Casareo sa iyang pagpanganak kang Baby Gabriel nga karong buwana na niya ihimugso inay first week of April.

Lloyd Samartino aktibo

Balik telebisyon si Lloyd Samartino isip amahan ni Aljur Abrenica sa GMA Sine Novela nga Dapat Ka Bang Mahalin? Usa siya sa mga matinee idols niadto sa panahon nila ni Gabby Concepcion, Albert Martinez, William Martinez ug sa namatay na nga si Alfie Anido. Nalipay kini nga aktibo pa siya sa showbiz sulod sa 30 ka tuig bisan og in and out siya tungod sa giasikaso nga negosyo.

Ara pinangga sa pamilya sa iyang bf

Swerte matud pa karon si Ara Mina sa iyang Chinoy nga boyfriend sanglit pinangga pod siya sa tibuok pamilya niini. Matud pa nga gikan kini sa usa ka adunahan nga pamilya. Gawas pa, nalipay si Ara sa pagkahilumon niini kumpara sa mga nangagi niyang karelasyon.