Ambot nganong di muangkon

Gibuking ni Bb. Joyce Bernal nga duna na gyuy espesyal nga relasyon sila si Dingdong Dantes ug Marian Rivera labaw pa sa panaghigala.  “Naku, huwag nga silang nag-iinarte, eh obvious naman na sila na. Kapag tinatanong ko nga, aba sinu-showbiz pa ako ng dalawa! Nakakalokah sila! Umamin na kayo no! ,” matud pa ni direk Joyce.

Polo daghag utang?

Daghan na pud ang naukay sa balita nga dunay mitumaw nga ex-girlfriend ni Polo Ravales kinsa mikumpirma usab nga hilig mangutang ang aktor. Kahinumduman niadto nga mibutyag usab ang Go Bingo Girl nga si Krissa Mae nga miutang usab kaniya si Polo niadtong sweet pa sila sa usag-usa.

Dunay nagdumot ni Ipe

Nagduda si Philip Salvador nga duna gyu’y buot mupahagba niya, tawo nga wala mahimuot sa iyang positibo nga comeback karon. Kini tungod kay matud pa, human midaog si Philip og acting award sa Metro Manila Film Festival, sunod-sunod na ang bad publicity niya, ilabi na kadtong giingong nanumbag siya og bus driver.

Juday bag-ong Flawless

Si Judy Ann Santos ang labing bag-ong endorser sa Forever Flawless. Tsika pa sa beteranang kolumnista sa PangMasa manay Lolit Solis nga gwapa kaayo si Juday sa iyang pictorial, lahi ang aura karon, sukwahi sa lusyang nga image niya sa una. Dugang pa ni Manay Lolit lahi gyud og epekto si Ryan Agoncillo sa kinabuhi ni Juday.

Rhian ug JC wa magtagad

Gibarugan ni manay Lolit Solis ang iyang leggua sa Startalk niadtong Sabado nga tinuod nga wala magtagad sa elevator si Rhian Ramos ug JC de Vera niadtong Biyernes. Tsika pa niya, siya mismo nakakita tungod kay sakay pod siya sa elevator. Nagduda si Manay Lolit nga wala mahimuot si JC sa pag-angkon ni Rhian nga na-inlove siya kang Mark Herras kaniadto.