Bad ang press - Alessandra; Piolo naghubad sa magasin
SEEN : Nainis ang mga reporter na dumalo sa presscon ng One Night Only dahil sa mga non-sense na sagot ng mga artista sa kanilang mga tanong. Nainis din ang mga artista. Nagsalita si Katrina Halili na hindi kasagot-sagot ang tanong ng mga reporter.
SCENE : Bad ang press ang sabi ni Alessandra de Rossi. Bad din ang kanyang attitude. Wala sa lugar ang kanyang pagiging loud. Pinaglalaruan niya ang mga reporter. Hindi siya nakakatawa.
SEEN : Pinagdududahan ni Chris Cartagenas ang pagkalalake ni Rob Sy. Ibinulgar niya na iba ang kanyang naging pakiramdam nang halikan siya ni Rob nang magkasama sila sa Survivor Philippines. Patay-malisya si Rob sa isiniwalat ni Chris sa live at last telecast ng Survivor Philippines.
SCENE : Kanya-kanya ng paggunita ang mga dating kaibigan ni Didith Reyes sa mga kabutihan nito noong kasikatan niya. Mga kaibigan na hindi naalaala si Didith noong dumaranas ito ng sobrang kahirapan.
SEEN : Si LJ Reyes sa burol ni Marky Cielo sa Mountain Province noong Biyernes. Hindi pa nagsasalita si LJ sa tunay na relasyon nila ni Marky.
SCENE : Ang chicken ham business ang pinagkakaabalahan ni Rosanna Roces. Siya ang nagluluto ng chicken ham at personal na nagbebenta sa kanyang mga kakilala. Humbling experience ang nangyayari ngayon kay Rosanna.
SEEN : Magandang-maganda si Mariel Rodriguez sa December 2008 issue ng FHM. Ibang-iba ang itsura niya sa personal. Ang nagagawa ng magic na make-up.
SCENE : Sold-out ang December 2008-January 2009 edition ng Metro magazine. Si Piolo Pascual ang cover boy ng Metro Magazine. Hubad siya at ang ibang mga male celebrity sa mga litrato na inilabas ng Metro.
- Latest
