Patalbugan ng mga divas

Magpapakitang gilas sina Jukebox Queen Jessa Zaragoza, pop princess Tootsie Guevarra at ang sumisikat na belter na si Bituin Escalante sa darating na finals night ng Himig Handog Love Songs songwriting competition ngayong Linggo, 9:30 p.m. sa ELJ Communications Center ng ABS-CBN.

Ngayon pa lang ay heavy favorite na si Jessa na manalo para sa kanyang kantang aawitin na "Hindi na Bale", gawa ng sikat na composer na si Jimmy Antiporda na dating miyembro ng bandang Neocolors.

Ang "Hindi na Bale" ang unang kantang ni-record ni Jessa pagkatapos niyang magpakasal kay Dingdong Avanzado.

Hindi dapat balewalain ang kantang "Sabi na Nga Ba" ni Arnie Mendaraos na kakantahin naman ni Tootsie.

Hindi naman papatalo si Bituin kina Jessa at Tootsie dahil mayroon siyang alas sa kantang "Kung Ako na Lang Sana" na gawa ni Soc Villanueva.

Si Jessa? Si Tootsie? o si Bituin? Para malaman ang kasagutan, bumili na ng "Himig Handog Love Songs 2002" na available na sa cassettes at CDs mula sa Star Records.