Namamalengke si Juday!

Enjoy sa kanyang bagong negosyo si Judy Ann Santos ang Kaffe Karrabana at Anonymous. Kapag tapos na ng syuting o taping ay nagtutungo siya sa kanyang restaurant at ipinagluluto ang kanyang mga customer. Sumasama rin siya sa kanyang ina sa pamamalengke sa Farmer’s Market. Naroon na sila ng alas 5:00 n.u. at nakikipagtawaran na sa mga tindera. Hindi makapaniwala ang mga tindera dun na ang kaharap nilang namimili at nakikipagtawaran sa kanila ay ang paborito nilang artista.

Kasalukuyang nasa Amerika si Juday for a series of shows sa Hawaii at Los Angeles kasama sina Paolo Contis at John Lapuz. Dapat ay bakasyon lang siya rito pero naging trabaho na ito dahil ayon sa aktres ay kailangan niyang magtrabaho para mabayaran ang ibang pagkakautang. May ginagawa silang pelikula ni Robin Padilla titled Jeannie, Bakit Ngayon Ka Lang under Viva Films.

Hindi na itinuloy ang Mano Po ng Regal Films para sa Metro Manila Film Festival Philippines.

Assunta, Nagbigay Ng Pera Sa Ama

Maganda naman pala ang dahilan kung bakit hindi nakadalo sa Toronto International Film Festival si Assunta de Rossi. Siya kasi ang magpapamasahe sa sarili patungo roon. Sa halip na gastusin ang pera para sa ticket ay minabuti na lang nilang dalawa ni Congressman Jules Ledesma na ibigay ang pera sa amang nasa Italya. Alam nitong matutuwa ang kanyang ama gayundin ang ina niyang bumibisita dun sa kasalukuyan sa asawa at iba pang anak.

Baka magkasundo na rin sina Assunta at Alessandra dahil guest ang huli sa Beh, Bote Nga.

Patricia, Mahal Pa Rin Si Marc

Hindi itinatanggi ni Patricia Javier na minahal niya nang husto ang dating nobyong si Marc Nelson. Katunayan, hanggang ngayon ay nanatili pa rin ang pagiging mabuti nilang magkaibigan. "Mahirap malimutan ang "First Love" dahil marami kaming magagandang memories lalo na noong bago pa lang kaming magkarelasyon. Wala pa kaming sasakyan noon at kumakain lang sa mumurahing restoran. Pero ngayong can afford na akong kumain sa mga first class na hotel at may sasakyan na ay saka naman wala na sa aking tabi si Marc," aniya.

Umaasa si Patricia na magkakabalikan silang dalawa balang araw dahil compatible sila sa maraming bagay.

Amalia, May Puso Para Sa Homeless Children

Saludo si Amalia Fuentes sa anak na si Liezl dahil pinangatawanan nito ang pagiging isang mabuting ina at asawa ng kanyang pamilya. Nasa stage ng pagdadalaga at pagbibinatilyo ang anak nila ni Albert Martinez kaya nakatutok ito para tiyaking hindi sila maliligaw ng landas. Lumaking mababait na bata ang mga apo ng dating movie queen dahil nagsilbing magandang halimbawa si Liezl sa kanyang mga anak.

Bilang isang artista ay wala nang mahihiling pa si Amalia.

"Kuntento na ako sa aking buhay ngayon. I’m at peace at wala na siguro akong mahihiling pa. Kung ako’y mamamatay gusto kong ibahagi ang iba kong biyaya sa mga homeless children. Naaawa ako sa kanila at lubha silang malapit sa aking puso," sey ng maganda pa ring aktres.