Bagong programa sa RPN

Sadyang hindi na mapigilan ang pagdami ng mga manonood ng mga bagong programa ng RPN 9.

Si David Caruso, popular na aktor mula sa NYPD Blue, ay nagbalik sa isang mainit-init pang legal drama, Michael Hayes. Ito ay mapapanood tuwing Lunes, dakong alas-8 ng gabi. Siya ay si Michael Hayes, isang assistant U.S. attorney, na biglang naging acting U.S. attorney nang maaksidente ang kanyang boss. Panoorin kung paano niya nilulutas ang bawat kasong inihahain sa kanya at kung paano niya palalabasin ang katotohanan upang makapagbigay ng hustisya.

Samantala, ang Malcolm in the Middle naman ay isang komedyang pampamilya. Mapapanood si Malcolm, isang normal na bata, kasama ang kanyang nakakatuwang pamilya tuwing Biyernes dakong alas-8 ng gabi. Kabilang sa mga artistang mapapanood sa Malcolm in the Middle sina Frankie Muniz bilang si Malcolm, Jane Kaczmarek (Lois), Bryan Cranston (Hal), Christopher Kennedy Masterson (Francis), Justin Berfield (Reese), Erik Per Sullivan (Dewey), Catherine Lloyd Burns (Caroline).