Carlos, itataas pa ang serbisyo publiko ng PNP!

ANG battlecry ng Philippine National Police na “to serve and protect” ay magiging maingay at malakas sa liderato ni PNP chief Gen. Dionardo Carlos na nangako na itataas pa niya ang antas ng benepisyong natamo ng nakaraang mga PNP administration. Sisiguruhin ni Carlos na ang 220,000 rank-and-file ay palaging naka-focus sa kanilang mandato na magtrabaho laban sa kriminalidad, illegal drugs, insurgency at terorismo at corruption na walang takot at pabor kanino man.

“The Filipino people deserve nothing less than the best service from the PNP, I commit the remaining months of my service to performing my mandate, to serve and protect my countrymen with all the effort I can muster and with a full and sincere heart for service,” ani Carlos, ang 27th PNP chief ng bansa.

Pinalitan ni Carlos si retired Gen. Guillermo Eleazar sa simpleng turnover ceremony na ang guest of honor ay si Interior Secretary Eduardo Año. “Hindi matatawaran ang tiwalang ibinigay ninyo sa akin, at ito ay ibabalik ko sa pamamagitan ng pag-aalay sa inyo ng serbisyong tapat, serbisyong may malasakit, at serbisyong mula sa puso na may #alagangcarlos,” pangako ni Carlos kay Año. Hihihi! Kelangan pa bang i-memorize ‘yan? Dipugaaaaa!

May 4-point action plan na ipapatupad si Carlos para makamtan ang kanyang goal na itaas lalo ang tiwala ng mga Pinoy sa kapulisan at ‘yan ay; “to Ensure peaceful and orderly 2022 elections; to Continue PNP programs on Anti-Criminality, Anti-Illegal Drugs, and Anti-Corruption; Develop and empower  the Area Police Commands; and to continue the policies, programs and projects of previous Chiefs of the PNP.

At malaki ang magiging papel ng PNP Area Police Command para tugunan ang kampanya laban sa insurgency at terorismo, lalo na sa pagbuwag ng mga private armed groups, at iba pang problema patungkol sa peace and order.

“We will further develop and strengthen our Area Police Commands to make our operations on the ground more focused and aggressive as we strive to further deny insurgents, terrorists and private armed groups the opportunity to sow terror in our communities,” ani Carlos, na dating director ng APC Visayas. Hihihi! Ipanalangin natin ang tagumpay ng mga plano at programa ni Carlos sa PNP, ha mga kosa? Dipugaaaaa!

Halos tatlong araw pa lang bilang PNP chief itong si Carlos ay nagka-buena-mano naman kaagad ang kanyang mga tauhan nang mahuli itong si Salome Crisostomo Ujano, na isang lider ng CPP/NPA/NDF na may patong na P5 milyong reward. Si Ujano ay nakorner ng police operatives sa Brgy. Mabolo, Malolos City sa Bulacan bunga sa arrest warrant na ipinalabas ni Judge Virgilio Alpajora, ng RTC Branch 59 ng Lucena City for the crime of rebellion. Si Ujano ay sangkot sa iba’t ibang krimen sa Quezon, kasama na dito ang pag-ambush kina PFC Michael Samsun at Cpl. Edward Lumawig noong s’ya ay miyembro ng Executive Committee Secretariat ng Southern Tagalog Regional Party Committee (STRPC). Minabuti ni Brig. Gen. Matthew Baccay, PRO3 director, na ipinaalagaan si Ujano, 64, sa isang nurse para bantayan ang kanyang kalusugan at hindi madapuan ng COVID-19. Hihihi! Ang bait ng PNP sa mga naligaw ang landas nating mga kapatid tulad ni Ujano, no mga kosa? Mismooooo! Dipugaaaaa! Abangan!