Lasing na lalaki, pinalitan ang pangalan ng ‘Celine Dion’ matapos mapanood ang singer
MASYADONG nadala ang isang lasing na lalaki sa United Kingdom sa panonood niya ng concert ni Celine Dion kaya naman pinapalitan niya ang kanyang pangalan ng katulad sa Canadian singer.
Dahil lango sa alak, wala sa tamang pag-iisip Ang 30-anyos na si Thomas Dodd nang gawin niya ang aplikasyon sa Internet upang legal niyang mabago ang kanyang pangalan at mapalitan ito ng “Celine Dion.”
Kahit lasing, nagawa pa ni Dodd NA bayaran online ang $150 (P7,500) na application fee.
Agad Din niyang nakalimutan ang kanyang ginawa matapos siyang mahimasmasan kaya naman laking gulat niya nang matapos ang ilang araw ay makatanggap siya ng sulat na nagsasaad na sertipikado na ang pagpapalit niya ng pangalan.
Bagama’t noong una raw niyang mabasa ang sulat ay halos himatayin daw siya nang mapagtanto ang kanyang ginawa ay desidido naman siyang panindigan ito at tuluyang gamitin ang bago niyang pa-ngalan, ayon kay Dodd/Dion.
- Latest