Ang babae sa aparador (193)
INALALAYAN ni Jonas si Ziarah para makalabas sa aparador.
Nang makalabas, niyakap ito nang mahigpit ni Jonas. Para bang matagal na nawala.
‘‘Akala mo iniwan na kita, Sweet?’’
“Oo, Love.’’
“Bakit naman kita iiwan?’’
“E malay ko kung nagsasawa ka na sa akin?’’
Napahagikgik si Ziarah.
“Ako magsasawa sa’yo? Hindi mangyayari ‘yun.’’
“Talaga?’’
“Oo.’’
“E ano bang pumasok sa ulo mo at nagtago ka sa aparador?’’
“Wala lang. Gusto ko lang ipaalala sa iyo ang mga ginawa kong pagtatago noong kayo pa ni Kat.’’
“Huwag mo nang banggitin ang pangalan ng babaing ‘yun at umiinit ang dugo ko.’’
“Sorry, Sweet.’’
“Tapos na ang masasamang kabanata ng aking buhay at humihingi ako ng sorry sa’yo dahil pati ikaw ay nadamay.’’
“Wala kang dapat ipagpaumanhin, Sweet. Nauunawaan kita.’’
“Salamat, Love. Pangako ko sa’yo, mamahalin kita nang labis.’’
“Ikaw din, Sweet. Mamahalin din kita nang sobra-sobra.’’
Mahigpit pang niyakap ni Jonas si Ziarah.
Punumpuno ng pagmamahal.
(Tatapusin)
- Latest
