Pira-pirasong katotohanan
July 30, 2020 | 12:00am
- Huwag kang laging makikipag-away, baka mahuli ng kaaway ang iyong sekreto sa art of war.
- Ang isang bagay sa mundong ito na mapapasaiyo nang walang kahirap-hirap ay ang pagtanda.
- Sa trabaho, ang tao ay laging nag-uumpisa sa ibaba. Ang tanging trabaho na nag-uumpisa sa itaas ay ang tagahukay ng libingan.
- Ang isang bagay na wala nang second chance ay ang first impression.
- Ang mga taong hindi nagkakamali ay ‘yung walang ginagawa.
- Sino ang mga nabibigo?: 1) ‘Yung mga nag-iisip na wala silang kakayahan 2) May kakayahan pero hindi nag-iisip.
- Kung gusto mong mabago ang iyong mundo, baguhin mo ang iyong iniisip.
- Ang manager ay ginagawa kung ano ang tama; ang leader ay itinatama ang kanyang ginagawa.
- Ang buhay ay hindi laging maganda pero maganda pa rin ang mabuhay.
- Hindi nabibili ng pera ang kaligayahan pero mas maginhawa pa rin sumakay sa Mercedes kaysa mag-commute araw-araw sa jeep.
- Marami pa rin nabubuhay na criminal dahil bawal silang barilin.
- Hindi solusyon sa problema ang pag-inom ng alak, pero, hindi rin ang pag-inom ng gatas.
- Ang tatlong klase ng mga taong hindi mo dapat kalimutan: 1) ang tumulong sa iyo noong naghihirap ka. 2) ang nang-iwan sa iyo habang naghihirap ka. 3) ang may kasalanan kung bakit ka naghirap.
- Isang senyales na masaya ka at kuntento sa iyong buhay: Sa sobrang abala mo sa pagtatanim ng halaman sa iyong bakuran, hindi mo napapansing mas maganda pala ang garden ng iyong kapitbahay.
BrandSpace Articles
<
>
Philstar
x
- Latest
Latest
Latest
Recommended