Kasalan sa India masyadong maaksaya sa handang pagkain!

ISA ang India sa mga bansa na masyadong maaksaya sa handang pagkain kapag may ikinakasal. Ayon sa report, 15 percent ng bigas at iba pang butil pati gulay ang nasasayang dahil sa sobra-sobrang paghahanda.

Kapag may kasalan sa India, sobrang dami ng mga bisita kaya marami rin ang inihahanda. Kaya iniisip ng mga awtoridad doon na magkaroon ng guest control para maiwasan ang sobra-sobrang paghahanda ng pagkain.

Dapat na raw makialam ang pamahalaan sa mga ginagawang pagtitipon lalo ang kasalan para maiwasan ang pagsasayang ng pagkain.

Kapag hindi raw napigilan ang mga sobrang pagha­handa, maaaring magdanas ng kakapusan sa pagkain at maraming maghihirap.