Pinakamataas na paper mache sa mundo, nilikha ng mga taga-Indiana

ISANG club sa Indiana University club ang lumikha ng isang 14-talampakang paper mache sculpture na isinumite nila sa Guinness World Records upang kilalanin ito bilang pinakamataas sa buong mundo.

Ayon sa Indiana University South Bend Fine Arts Club, ginawa nila ang 14-talampakang iskultura, mula sa mga lumang greeting cards at 60 gallon ng pandikit.

Sinasabing lamang ng isang talampakan ang kanilang nilikha kaysa sa kasalukuyang Guinness World Record holder.

Isang supermarket ang nag-supply ng mga lumang greeting cards at hiniling nila na gumawa ang mga estudyante ng isang likhang-sining mula sa mga ito.

Ayon sa presidente ng club, nagsumite na sila sa Guinness ng mga ebidensiya upang mapatunayan nila na nahigitan ng kanilang nilikha ang dating world record.