Shabu dealer na preso, kasabwat kinasuhan na
MANILA, Philippines — Nasampahan na ng kaukulang mga kaso ang dalawang shabu dealer, isa sa kanila ay preso sa isang penal colony, na nakunan ng P6.8 milyon na halaga ng shabu sa isang entrapment operation sa Barangay Talisayan sa Zamboanga City nitong Martes.
Sa pahayag kahapon ng regional office ng Philippine Drug Enforcement Agency-9, nahaharap na sa kasong paglabag sa Comprehensive Dangerous Drugs Act of 2002 ang mga suspek na sina Albadir Mala Ajijul, 28 at Kerwin Mohammad Abdila, 42.
Si Ajijul ay taga-Isabela City, Basilan habang si Abdillah naman ay isang person deprived of liberty, nahatulang guilty sa isang krimen ng isang korte, na dapat sana ay nakapiit sa San Ramon Penal Colony sa Zamboanga City, ngayon inaalam na kung paano nakalabas doon at nasangkot sa malakihang pagbebenta ng shabu.
- Latest