10-anyos na lalaki, tinaga sa leeg ng ama habang natutulog
MANILA, Philippines — Isang 10-anyos na batang lalaki sa Davao City ang tinaga sa leeg ng sarili niyang ama habang mahimbing na natutulog.
Sa ulat nitong Miyerkules, sinabing nangyari ang trahed ya noong Linggo ng gabi sa Barangay Marilog Proper sa nabanggit na lungsod.
Sa imbestigasyon ng pulisya, natutulog ang 10-anyos na biktima kasama ang kaniyang 16-anyos na ate, nang tagain siya sa leeg ng kaniyang ama.
Nagising naman ang babae at kaagad nakatakbo palabas ng bahay para humingi ng tulong.
Nang dumating ang mga pulis, nakita ang suspek na patay na rin ilang metro mula sa kanilang bahay.
Nag-iwan umano ng sulat ng suspek na humihingi ng tawad sa kaniyang asawa na nagtatrabaho sa ibang bansa.
Ayon sa kapatid ng suspek, nagkuwento ito tungkol sa paghihinala na niloloko siya ng kaniyang asawa.
- Latest
