Rider, angkas patay sa road mishap sa Laguna
MANILA, Philippines — Dalawang lalaki na magkaangkas ang nasawi matapos na sumalpok ang sinasakyang motorsiklo sa isang konkretong poste sa tabi ng national highway sa Brgy. Bagong Kalsada, Calamba City, Laguna kamakalawa ng gabi.
Kinilala ang mga biktima na sina Roger Postanes, driver ng motorsiklo at backrider nitong si Redster Carranza.
Sa report ng CALABARZON Police, nangyari ang aksidente sa nasabing lugar bandang alas-9 ng gabi.
Ayon sa imbestigasyon, masyadong matulin ang takbo ng motorsiklo bunsod upang mawalan ng kontrol sa manibela si Postanes.
Bunsod nito bumangga ang motorsiklo sa puno ng mangga bago ito sumalpok sa konkretong poste sa tabi ng highway sa nasabing lugar.
Ang dalawang biktima ay kapwa humagis sa sumemplang na motorsiklo bunga ng insidente na nagtamo ng matitinding sugat sa katawan.
Nagawa pang maisugod sa pagamutan ang dalawang biktima pero kapwa idineklarang dead-on arrival.
- Latest