P95 milyong puslit na yosi, goods sinira sa Port of Subic
SUBIC BAY FREEPORT ZONE, Philippines — Bilang bahagi ng pinaigting na kampanya ng Bureau of Customs-Port of Subic sa Zambales laban sa mga ilegal na kargamento, sinira ng ahensiya ang mga puslit na sigarilyo at mga kargamento ng mga overstaying containers na nagkakahalaga ng mahigit P95 milyon kamakalawa.
Tatlo sa mga naturang containers ay naglalaman ng mga sigarilyo na naka- consigne sa Goldlink Int’l Subic Inc. na nasabat noong nakaraang taon na mayroong market value na P95,205,000 habang ang ilan pang shipment ay pawang overstaying containers na may lamang assorted household goods at personal effects.
Sinira ang mga nasabing kargamento sa pamamagitan ng pagpunit, pagdurog at pagtapon sa isa sa mga accredited facility ng ahensya na Greenleaf 88 Non-hazardous Waste Disposal.
- Latest
