DQ vs mag-asawang mayor at solon sa Batangas isinampa
BATANGAS, Philippines — Pormal na nagsampa ng “disqualification case” o DQ ang mga kalaban sa pulitika nina Batangas City mayor Berverly Dimacuha-Mariño at Batangas 5th District Representative Marvey Mariño dahil umano sa iba’t ibang paglabag sa halalan.
Sa dokumentong ipinadala sa media, Mayo 4 nang magsampa ng pormal na reklamo sina Carlito D. Bisa at Eduardo G. Garcia sa legal department ng Commission on Elections (COMELEC) sa Maynila.
“Pamimili ng boto o vote-buying ang ginagawa nina Mariño gamit ang programa sa scholarship at pamamahagi ng TUPAD ng DOLE kung saan isinisingit nila ang pangangampanya gamit ang salapi at ari-arian ng gobyerno” ani Bisa.
“May mga patunay ring maging ang pagbiyahe para sa materyales at tao upang mangampanya ay ginagamit din ang speed boat ng Lungsod para sa disaster operation,” dagdag ni Bisa.
Si Bisa ay kalaban ni Mariño sa pagka-kongresista at si Garcia naman ay kalaban ni Dimacuha-Mariño sa pagka-Mayor.
Mariin namang itinanggi ni Kongresman Mariño ang mga paratang nila Bisa aat Garcia.
- Latest