45 ‘fully vaccinated’ health workers na may booster, positive sa COVID-19
OLONGAPO CITY , Philippines — Nasa 45 healthcare workers ng James L. Gordon Memorial Hospital (JLGMH) ng lungsod na ito ang nagpositibo sa COVID-19 matapos na sumailalim sa pagsusuri.
Sa ipinadalang text message kahapon ni Dr. Jewel Manuel, hepe ng nabanggit na pagamutan, pawang mga “fully vaccinated with booster” ang 45 na infected health workers na ang ilan ay naka-confine sa wards ng JLGMH habang ang iba ay sumasailalim sa home quarantine.
Ayon kay Manuel, nakakaranas lamang ng mild symptoms ang mga hospital workers na nagpositibo sa virus at wala namang nasa kritikal na kondisyon.
Sa kabila nito, nananatili umanong operational ang naturang pagamutan at bakante ang kanilang Intensive Care Unit sa kabila ng pagtaas ng bilang ng mga tinatamaan ng virus sa lungsod.
- Latest